O alumnado de cuarto fixo este pequeno libro inspirado no conto It's OK to be different" de Todd Parr. 

Escoitaron na clase o orixinal, relatado pola auxiliar de conversa e tamén unha versión elaborada o curso pasado polo alumnado de quinto.

Finalmente crearon as súas propias páxinas que foron lidas por unha persoa diferente. Esperemos que vos guste.

O alumnado de 3º de primaria realizou unha serie de actividades dentro do proxecto "On the phone". O obxectivo era chegar a manter unha conversa cun compañeiro oara convidalo a ir a algún sitio.

O proceso foi o seguinte:

- Elaborar o teléfono seguindo as instrucións da auxiliar de conversa.

- Elaborar a lista dos números de teléfono dos compañeiros (Telephone Directory) preguntando a cada un e anotando na táboa.

- Practicar unha conversa sinxela oralmente marcando oralmente antes o número da persoa á que se quere chamar.

- Utilizar a conversa escrita para practicar lectura e as estruturas traballadas.

O alumnado implicouse moito nesta actividade, chegando incluso a improvisar con eficacia partes da conversa. Escoitáronse comentarios como: "Este parece o teléfono de miña avoa!” Pero a pregunta que xurdía sempre era... "Cando podemos levar o teléfono para a casa?"

O departamento de inglés  adica esta semana a traballar sobre a temática de nadal.

A nosa  auxiliar de conversa,Ritu Chopra deseñou un divertido kahoot donde o alumnado traballou vocabulario  e tradicións do nadal na cultura anglosaxona.

Con este tipo de actividades o alumnado manexa ferramentas dixitais dun xeito divertido ó tempo que fomentan a inclusión de alumnado con NEE ou NEAE e a solidaridade e cohesión do grupo.

Seguiremos esta semana con máis actividades navideñas.Estade ó tanto!!

Estas últimas semanas viñeron a mamá de Aida e a mamá de Carmen lernos á nosa bibliotecas. Os contos que nos leron erran dos seus fogares e cóntanos moi a miúdo.