Estamos achegándonos ó final dunha maravillosa etapa compartida co noso auxiliar americano Noah Forslund. 

Para estes últimos días  con 1° e 2° de ESO  desplegou unha batería de xogos onde o alumnado traballou a súa  comprensión  e expresión  oral.

Tres anos con Noah e volveríamos a empezar de novo porque contaxia frescura, positivismo, dinamismo e alegría para aprender inglés  xogando.

Gracias Noah!

Neste curso 22/23 retomamos o traballo en grupos interactivos nas clases de inglés de primaria de 2º a 6º de primaria. Traballamos desde xeito alomenos unha vez cada quincena e ás veces dúas, dependendo do grupo e do que se traballaba nese momento. Nestes grupos actuaron como moderadores o auxiliar de conversa, mestres de apoio, a alumna de prácticas e tamén a profe de inglés.

Procuramos sempre distribuir o alumnado de xeito heteroxéneo e que as actividades foran variadas, buscando introducir mecanismos lúdicos en algunha delas en cada sesión e un axeitado equilibrio entre lingua oral e escrita.

En sexto de primaria elaboramos pequenas presentacións en inglés sobre lugares que recomendamos para visitar no noso concello e tamén en Galicia.

O alumnado de 5º de Educación Infantil traballou na clase coa mestra de inglés o libro "Oh Dear!" de Rod Campbell. Con el aprenderon a pedir cousas, os nomes dos animais de granxa máis habituais na nosa zona e reflexionaron sobre que animais poñen ovos ou non así como sobre o proceso de coidado das crías por parte das aves. Tamén traballaron a pronuncia e a entoación e representaron a historia de acordo coa súa idade. Pero o que é máis importante, fixérono a partir dun conto na lingua orixinal que os achegou á ledicia de ler en calquera idioma, de achegarse ao mundo a través da literatura.

Unha vez que aprenderon a contar a historia, levaron o libro por turnos para a casa e así compartírono coas súas familias. Na portada pegouse un código QR para que poideran escoitalo tamén tal e como o facían na clase.

No arquivo adxunto pódese escoitar o ben que o fixeron ou escaneando o QR.