Día das familias de Elena Pérez López

Entre o material pertencente aos Polos Creativos, dispoñemos de 6 tablets que se poden empregar para traballos específicos das diferentes materias para todo o alumnado, ou para os tempos de lecer na chamada aula maker, baixo a supervisión da profesora de garda. No mundo actual, a alfabetización dixital é imprescindible, e ademais, os videoxogos empregados con supervisión e control, inclúen beneficios como o desenvolvemento da atención, a creatividade, a memoria, os idiomas ou o traballo en equipo. Os videoxogos poden axilizar a capacidade de lidiar con imprevistos ao plantexar problemas e establecer un tempo para resolvelos. Tamén poden ser empregados con fines máis específicos en alumnado con necesidades educativas especiais, como traballar a motricidade fina, habilidades comunicativas, etc.

O alumnado de 1° de ESO disfrutou da experiencia de ver un zoqueiro tradicional que nos amosou os seus traballos como artesán ademais das ferramentas que usa para a elaboración  de zocas e cestería. 

Resultou fascinante ver cómo estas artes tradicionais foron recollidas por unha persoa tan nova que combina os seus estudos de 1° de BAC  co compromiso casi moral de conservar as tradicións dos nosos ancestros.

Non só nos ensinou o proceso de elaboración artesán  senón  que nos transmitiu certos valores relacionados co compromiso e respeto pola nosa cultura e tradicións  ademais de demostrarlle ó alumnado que o tempo é valioso e relativo,e que temos mais do que pensamos  para utilizalo  nun ocio mais diverso e rico que ó que están acostumados.

Toda unha experiencia!

Intercambio do Club de Lectura do CPIP de Castroverde e o CPI Dr. López Suárez de Friol,para comentar a obra "Donas de nós " de Ánxela Gracián.

No encontro,celebrado na biblioteca do centro, contamos coa presenza da autora que nos explicou cando escribiu a obra,o significado e o motivo do nome dos protagonistas,o obxectivo da obra...

O alumnado preguntou e deu opinións sobre o contido do libro e un grupo realizou unha lectura dramatizada das escenas finais da obra.

Despois percorremos un curto traxecto do Camiño Primitivo,o que vai desde Vilar de Cas ata A Pallota.

Visitamos o cemiterio de Soutomerille e fixemos unha parada na igrexa do mesmo nome.

Rematada a andaina, paramos para repoñer forzas cun xantar campestre na Pallota.

O encontro rematou coa lectura de dous poemas da obra "Paisaxes de pan" por parte da autora,Ánxela Gracián,que nos acompañou durante toda a actividade.

O cociñeiro do CPI Plurilingüe de Castroverde Pablo L. Trashorras deu unha conferencia ao alumnado de 4º de ESO para que coñeceran as diversas saídas profesionais que hai e o apaioxoante que pode ser o mundo da cociña como modo de vida. Ademais de ser aprendizaxes que contribúen a levar unha vida saudable  e a saber relacionarse e desenvolverse neste mundo globalizado.