O pasado 18 de maio celebrouse o Día Internacional da Fascinación polas plantas, e co obxecto de conmemorar este día, o alumnado de 1º ESO elaborou un pequeno herbario dixital. 

Dito herbario consistiu en catalogar plantas da nosa contorna, fotografando o especimen, indicando o seu nome científico, o tipo (herbáceo, arbustivo ou arbóreo) así como o seu ecosistema. 

A continuación preséntase unha pequena selección dos traballos realizados. 

Autores: Lucas Díaz Folgueira, Jorge Díaz Jacob, Natalia Ferreiro Naranjo, Sabela Gómez Arias, Sabela Palmeiro Toimil, Nahuel Pillado Barros, Carla Martínez González, Xabier Ramos Arrojo e Xulia Veiga Penelo.

Na semana das Letras Galegas o alumnado de infantil e primaria elaborou un mural ilustrado con varios debuxos e unha caricatura, no que se recollía información sobre a vida e obra de Luísa Villalta.
O alumnado de secundaria realizou traballos sobre a vida e obra das escritoras galegas homenaxeadas no Día das Letras Galegas.
Na biblioteca expúxose unha selección de obras das escritoras recoñecidas no Día das Letras Galegas.

O xoves 23 de maio, a clase de xeografía e historia de 2º da ESO, desenvolveuse no entorno da Torre de Castroverde. Aprendemos sobre conservación do patrimonio e a súa posta en valor, e sobre o Castelo que se levantou no século XIV en Castroverde, do que aínda queda en pé a torre da homenaxe.
Dende o alto da torre, poderían verse unhas 1650 hectáreas de terreo. Era un poderoso castelo que ocupaba no seu perímetro máximo coma dous campos de fútbol de primeira división. Tiña dúas murallas, foxo, barbacana, ponte levadiza, dous patios (o de armas e o de honra), etc. A torre da homenaxe, que ainda queda en pé, tiña 5 andares. Nela pode verse o escudo dos Castro e un relevo, que probablemente represente a un guerreiro, sobre a porta de entrada, situada no segundo andar, e á que se accedería a través dunha escaleira de madeira, que podería eliminarse en caso de asedio. Puideron ver elementos como a latrina, aprender sobre a función do matacán superior, sobre os diferentes tipos de seteiras en función da existencia de armas de fogo ou non, etc.

Para celebrar o Día das Letras Galegas  fixemos unha tertulia literaria titulada : "Letras Galegas Femininas". Os textos ,na súa maioría poéticos,  pertencían ás seis autoras ás que se lles leva adicado esta festividade .Asistiu o alumnado de 3° e 4° ESO que comentaron os textos ,deron a súa visión sobre o contido deles , reflexionando e relacionándoo con situacións moi actuais.