Olimpiada cultural

Animádevos a participar nesta competición na que ademais de aprender e divertirnos, podedes conseguir importantes premios se chegades ó podium.

Para os que non a coñezades, a olimpiada cultural
é un xogo de longa duración (4 semanas, ata o antroido), no que
cada día se emite unha ou varias preguntas, que debe ser contestada no
prazo correspondente. Os equipos van sumando os puntos en xogo, e ó
final, gaña o equipo que teña maior puntuación. Hai dúas categorías:

• Categoría junior para alumnos de 1º, 2º e 3º da ESO
• Categoría genius para o resto

Cada categoría puntúa por separado e hai premios para cada unha delas.

Resumimos aquí as probas das que consta:

• Pregunta do día: unha pregunta de 1 punto para contestar en 24 horas.
• Pista a pista: é unha proba de luns a venres. Cada día dáse unha pista, e vai perdendo valor cada día que pasa.
• Preguntón: unha pregunta máis difícil ou máis laboriosa, para cotestar nunha semana.
• Aposta: preguntas de inxenio nas que podes gañar puntos, pero tamén perdelos.

Ademais, por se un día se vos atraganta unha pregunta, ou non podedes contestar
porque estades enfermos, tedes moito traballo, etc, cada día podedes
gañar un comodín coa pregunta
do día, simplemente inidicándonos un libro no que se atopa a resposta
correspondente. Logo podedes trocar comodíns por puntos (1 comodín=1
punto). Pero ollo, os comodíns caducan ó cabo dunha semana. A
continuación deixamos as bases do concurso e de cada proba.