NO RAMÓN DE ARTAZA ABOGAMOS POR QUERER FÁCIL

Esta mañá do 25 de novembro, no noso colexio, todas as nenas e nenos nos xuntamos para reivindicar relacións sas entre tódalas persoas. Relacións nas que se nos respecte, nas que se nos ensine a facer as cousas por nós mesm@s e repletas de bicos e agarimo. Para iso cantamos e signamos a canción “Quero fácil”, adaptada ó galego e grazas á cesión da súa autora Sandra Bernardo. Porque as nenas e nenos merecemos unha infancia na que se nos protexa e acompañe respectando as nosas necesidades. Querédenos fácil!

Esta semana no noso Centro, houbo unha asemblea da O.C.U (Organización de Civilizacións Unidas).

O motivo de que se escollese o Ramón de Artaza entre a morea de lugares propostos, é porque o tema anual deste curso xira ao redor do estudo de diferentes civilizacións ao longo da Historia.

Representantes das civilizacións Maias, Tuareg, Exipto, Roma, Grecia e Inca viñeron de todos os recunchos do mundo para traballar pola paz do planeta.

Debido a inclemencias meteorolóxicas, non deron chegado os representantes da civilización Maori, pero contamos con eles en futuros contactos.

Que o traballo que fagamos ao longo do curso, dea bos froitos e gañemos en coñecemento, empatía e respecto polos que viven dun xeito diferente ao noso!

E  por sorte o tempo permitiunos degustar as castañas no patio e compartir unha mañá estupenda de xogos e ledicia.

Moitas grazas ás familias pola súa colaboración e aos profes e a Emilio por asarnos tan ben as castañas e organizarnos un xogos tan divertidos.

Preme na imaxe para ver o video resumo e verás o ben que o pasamos!