Proxecto alimentación saudable

ODS 3: Salud y Bienestar… también mental

Os nenos e nenas de 1° de primaria estamos levando a cabo o proxecto sobre alimentación saudable!

Primeiro analizamos os nosos pratos favoritos, aprendemos a interpretar a información da pirámide alimenticia, fixemos un concurso de merendas e ata fixemos un mural sobre o consumo de azucre na nosa vida cotiá!

Ademais, nas sesións de Educación física levamos un rexistro diario do consumo de bebidas e refrescos.

Recibimos a visita do alumnado de 5º para coñecer toda a información sobre o noso proxecto e contáronnos cousas moi interesantes que tamén aprenderon en Ciencias naturais!

Pasámolo xenial!

A MINA CONTAMINA

O alumnado de 4º está a facer un traballo de investigación sobre o problema ambiental das minas de Sanfins. Para que vos fagades unha idea da problemática que afeta á nosa ría, deixamos aquí este bonito traballo audiovisual "A pinga e a lavandeira" realizado por O Centro de Saberes para a Sustentabiliade, Fundación Montescola, produtora cultural Axóuxere, o grupo Barahúnda e a Asociación Bubela de Abuín.

VI CONCURSO DE RELATOS CURTOS MANUEL FABEIRO GÓMEZ

Un ano máis a nosa biblioteca presenta o Concurso de relatos curtos Manuel Fabeiro Gómez. Con el pretendemos fomentar e incentivar o valor da expresión escrita entre a nosa comunidade educativa; e por iso, animámosvos a todos e todas a que participedes e nos contedes algunha historia, anécdota ou ocorrencia que vos pase polo maxín. Só tedes que lembrar que debe facer referencia dalgún xeito a algunha civilizacion da historia, colleres un papel e un lapis e deixar que voe a vosa imaxinación.

Premendo na imaxe accederás ás bases do concurso.

Boa viaxe!!

Primeiros auxilios

Objetivo de Desarrollo Sostenible 3 - Wikipedia, la enciclopedia libre Taller primeiros auxilios

Esta semana o alumnado de 3º finalizou a unidade didáctica de primeiros auxilios en Educación Física.

Para rematar elaborouse un taller en colaboración co servizo de pediatría e enfermería do SERGAS, contando coa participación de Silvia Dosil e Cambeiro.

Unha actividade moi enriquecedora para toda a comunidade educativa e na que aprendemos moitísimas cousas!

Agradecemos moito a súa participación!

CONTACONTOS NA BIBLIOTECA

O CONTACONTOS DA BIBLIO DURANTE O RECREO DE HOXE FOI TODO UN ÉXITO!

DÍA DA ÁRBORE

Hoxe conmemoramos o Día da Árbore plantando unhas árbores froiteiras no patio e lendo o noso manifesto de compromiso coa natureza.

No seu día recolleremos os froitos do que hoxe sementamos, ao igual que agromou e medrará en nós o respecto polo medio ambiente.

DÍA DA POESÍA 2023

Canta, meniña,
na beira da fonte;
canta, daréiche
boliños do pote...

Para conmemorar o Día da Poesía fixemos un pequeno festival onde cada grupo interpretou un poema musicado que tiña preparado con antelación.

Os nosos/as artistas disfrutaron volvendo subir ao escenario! Aquí vos deixamos un video resumo das actuacións.

23.03 CONTACONTOS NA BIBLIO

8M. DÍA INTERNACIONAL DA MULLER

Chegou o 8M un ano máis, e aínda que no noso centro defendemos a igualdade durante todo o curso, chegada esta data sempre programamos algunha actividade para darlle maior visibilidade ao Día da Muller.

Como exemplo de muller referente do noso concello, este 8M tivemos a oportunidade de coñecer e entrevistar á alcaldesa de Muros: Inés Monteagudo Romero. Témoslle que agradecer a súa dispoñibilidade para contestar ás nosas preguntas, que non foron poucas, e por suposto, a súa amabilidade.