Contidos
Terceiro
O xoves 25 de abril visitou o noso centro Ramón D. Veiga. Os nen@s do primeiro ciclo leron dous libros del: os de primeiro leron “Violeta ás agachadas” e os de segundo escolleron “A miñoca e o coello”.
Foi un día marabilloso no que os nen@s fixeron o seu nome con miñocas. Ramón tamén nos falou de Violeta, a súa filla, xa que moitos dos seus libros están inspirados nas súas vivenzas.
O 8 de maio foi un día moi especial no CEP Carlos Casares xa que contamos coa visita de PAULA CARBALLEIRA a escritora de “13 avisos”, o libro que lemos en 3º, 4º, 5º e 6º.
Paula contounos unha historia sobre como asustaba aos seus irmáns cando eran pequenos. Facíao tan ben e era tan expresiva que non podiamos para de rir. Que ben o pasamos!
Despois de compartir a mañá con Paula Carballeira podemos definila como unha persoa moi simpática, amable e cercana. A súa maneira de contar historias é única.
O 2 de maio foi o Día Mundial contra o acoso escolar, un grave problema que afecta a moitos nenos e nenas en todo o mundo. As consecuencias do acoso a longo prazo son preocupantes, sobre todo a nivel psicolóxico. Nenos/as que non queren ir á escola por non ter que enfrontarse ao seu acosador/a ou acosadores, nenos e nenas que teñen terrores nocturnos e non poden durmir a consecuencia do acoso ou bullying e nenos e nenas que atentan coa súa vida polo moito que sofren.
Dende o CEP Carlos Casares queremos erradicar esta lacra concienciando á comunidade educativa traballando o acoso a nivel de centro. O alumnado de 3º de Relixión traballou nun programa de radio especial Día do acoso e os colaboradores seleccionaron e recomendaron libros dende a biblioteca para tratar o tema. Ademais traballamos de 3º a 6º a curtametraxe “El sánwich de Mariana”.
Unha promesa, unha aventura, un regalo... Hai poucos obxectos que sexan tantas cousas coma un libro. Os libros están cheos de coñecemento, ledicia, solidariedade, beleza, imaxinación, creatividade, liberdade, vida... Os libros son luz e o alumnado de 6º quixo levar esa luz máxica a todos os nenos e nenas do centro contando o conto "LEOTOLDA" da escritora Olaga de Dios, con marionetas e luz ultravioleta. Resultou todo un espectáculo!! Parabéns nenos e nenas de 6º!!!. PULSAR NA IMAXE PARA VER FOTOS.
|
Todos os anos arredor do día do libro visitan o cole un autor e unha autora galega . Desta volta os elexidos son RAMÓN D. VEIGA E PAULA CARBALLEIRA. Esperámolos con moita ilusión.
Coa chegada do bo tempo quitamos os libros para ler á sombra das árbores do centro. Son os colaboradores da biblioteca os encargados da elección dos libros así como de sacar a caixa e a cesta coas mantiñas e coxíns.
Clicade na imaxe para acceder á galería de fotos desta actividade
O pasado día 21 de marzo foi o Día mundial da poesía. Dende a biblioteca propúxose que ese día o alumnado elixira un poema e subira a emisora a recitalo. O alumnado colaborador da biblioteca foi o encargado de montar o recanto con libros de poesía e asesorar aos máis pequenos na escolla dos poemas. O alumnado de 1 nivel emitiu un programa de radio especial “Día da poesía”.
Durante o mes de marzo co motivo da celebración do Día da muller repartíronse nas aulas as MOCHILAS VIOLETAS. Cada curso tivo na súa aula unha mochila violeta formada por diferentes libros relacionados coa temática e un xogo de "Adiviña quen é quen..." para traballar na aula.
Desta vez é o alumnado de 3º nivel quen se pon diante dos micros para contarnos as orixes do Samaín. O certo é que averiguaron moitísimas cousas e ademáis, super interesantes, escoitáde con atención...
BOA ESCOITA