Eventos

O día 30 de xaneiro queremos celebrar o Día da Paz dun xeito moi especial: cada clase aportará as súas mellores propostas para acadar esa ansiada Paz: na casa, na escola, no parque ... As pombas mensaxeiras levarán unha mensaxe de Paz e gratitude; veremos levantar o voo ao globo de papel cos nosos mellores desexos (se non chove) e cantaremos xuntos un himno de paz.

Os días 31 de xaneiro e 1 de febreiro o alumnado do centro poderá disfrutar dunha divertida peza de teatro en lingua inglesa no Auditorio de Cambados.

O alumnado de 4º, 5º e 6º disfrutou en grande das obras de teatro que puideron ver no Auditorio de Cambados.

Este luns, a partir das catro da tarde aprenderemos a mellorar as técnicas de creación e composición escrita da man dun dos nosos grandes poetas. David Otero. Vémonos.

O alumnado de 5º e 6º participará nunha campaña de sensibilización sobre a Reciclaxe.

Por fin chegou o Entroido, cos disfraces, as coplas e eses doces tan ricos destas datas. Xa case todo está preparado para a festa.

O alumnado de 1º Ciclo terá hoxe unha sesión de cine moi especial. Grazas á colaboración do SPAD de Vilagarcía que nos proxectará o film "Tiana y el sapo", poderán reflexionar sobre valores e actitudes fundamentais que lles axudarán no crecemento en saúde e na prevención de drogodependencias

O profesorado do centro iniciará unhas sesións de formación que nos axudarán a utilizar os blogs de aula para motivar ao alumnado na lectura e na escritura convertíndoos en axentes máis activos na súa aprendizaxe

O alumnado de 6º terá dúas sesión de traballo e reflexión guiadas pola responsable do SPAD de Vilagarcía, que lle ensinará a entender que hai detrás das mensaxes publicitarias, cáles son as técnicas coas que xogan os publicistas para vendernos productos de consumo, en ocasións verdadeiramente perigosos para a nosa saúde física e mental. Tamén nos dará claves para sobrelevar a presión do grupo de iguais, que nestas idades empeza a ser moi importante.