Eventos

   O Concello de Cambados e a editorial OQO, dentro do programa "Bocaberta" da Consellería invitan aos nenos e nenas de Cambados a disfrutar do espectáculo que teñen preparado para eles no Auditorio Municipal. Será este venres ás seis da tarde. Non faltedes. A entrada é de valde. "Esperamos vervos "En clave de conto" ás seis da tarde, este venres.

O alumnado de 5ºA acodirá o martes ao Asilo de Cambados para facerlles unha visita aos nosos maiores, cantarlles unhas panxoliñas e deixarlles, no nome de todos os nenos e nenas do colexio un agasallo de Nadal, levándolles os cartos que se recaudaron coa venta dos calendarios. Agradecémoslle a todo o alumnado e ás súas familias a súa colaboración. Esperamos que os nosos anciáns poidan pasar tamén unhas moi felices festas.

Tal e como se recolle na Programación Xeral Anual, o día 22 será a entrega de notas do 1º Trimestre.

O alumnado do terceiro Ciclo terá este martes unha xornada de reflexión a cargo de Gas Natural- Fenosa sobre a relación tan estreita entre a enerxía, a conservación do medio ambiente e a necesaria implicación de cada un de nós neste coidado.