Eventos

As monitoras do SPAD de Vilagarcía estarán de novo no centro, desta volta para realizar diversas actividades co alumnado de sexto para reflexionar sobre a presión de grupo e a publicidade.

En relación coa participación do programa do Parque das Illas Atlánticas o alumnado de quinto vai visitar, xunto cos seus titores e cos responsables do Parque, a Illa de Sálvora.

O alumnado de 3º acompañado das súas titoras vai visitar o Pazo de Bazán (actual Parador de Turismo de Cambados) como parte dos contidos relacionados cos"Diferentes tipos de vivenda: Os pazos".

O próximo mércores contaremos no centro coa presenza de Miguel Anxo Fernández, mestre, crítico de cine, xornalista e escritor. Estará co alumnado do 3º Ciclo para falarlles de escribir e de ler, de crear e contar, de novela e de cine, .. e,  entre outras cousas, dos "Detectives na novela galega".

O Equipo de Investigación Tecnolóxica da Garda Civil impartirá unha charla para nais e pais o vindeiro mércores, día 14 de abril, no Auditorio de Vilagarcía de Arousa, ás oito da tarde, para falarnos do funcionamento e as avantaxas que as redes sociais como o Facebook, Twenty, as redes P2P ou o Wifi"Chat" presentan para os mozos e mozas ...; incidirase de xeito especial nos riscos que pode conlevar o seu

O vindeiro luns 19 o alumnado de Segundo Ciclo acudirá, acompañado das súas titoras á representación da obra "El niño Colchón" no Auditorio do Centro Social Caixanova en Pontevedra.

O luns 19 pola tarde todo o alumnado do centro está invitado á representación que o grupo de teatro Caracol nos ten preparado este ano e que, como en anos anteriores poñerá en escena no IES Asorey. Varios profesores sairán ás 15:30 e acompañarán ao alumnado que queira desplazarse dende o centro. Os demais poden acudir directamente ao IES.

Desta volta será o alumnado do 3º Ciclo o que, das mans das monitoras do SPAD de Vilagarcía, afonden na temática que se plantexa a través da proxección da película "Azur y Asmar".

Dentro das actividades programadas durante o mes de abril para a celebración do Día do Libro, o  alumnado de 2ºB visitarán o vindeiro 21 de abril a Biblioteca MUnicipal en Cambados

Co gallo do "Día do Libro" o Concello coa colaboración dos centros educativos de Cambados, un maratón de lectura no Auditorio Municipal. Este ano a temática versará encol do "Camiño de Santiago" e leranse, ao longo da mañá divertos textos de autores vinculados ao Camiño ou que fan referencia a este.

Como un primeiro paso para adentrarnos no mundo que nos rodea e comprendelo; como un primeiro paso camiño das técnicas de estudio imos tentar adentrarnos en como conseguir que nós como adultos saibamos achegar a técnica e o pracer da lectura aos nosos rapaces/as.

Dentro das actividades programadas durante o mes de abril para a celebración do Día do Libro, o  alumnado de 6ºA visitará o vindeiro 28 de abril a Biblioteca Municipal en Cambados

Festa dos maios coa exposición dos maios elaborados e das coplas.

O alumnado de 1º, 2º e 3º pertencente á ANPA disfrutará o sábado dunha excursión ao Parque Natural de Marcelle, na provincia de Lugo

Un ano máis Anxo Fariña veu ao colexio para falarnos de como crear contos e historias, convertirnos en escritores e mesmo en ilustradores seguindo as claves máxicas do seu bo facer. Desfrutaron da sesión os alumnos/as de cuarto, quinto e sexto que levaron como recordo uns bonitos debuxos, o principio dun conto e a semente da creación.

Continuando coa experiencia iniciada no curso pasado, podemos disfrutar dunhas estupendas sesións de contacontos grazas a colaboración de mestres que, como Inma, nos agasallan coa maxia das palabras. Desta volta foron os alumnos e alumnas de 1º os que puideron disfrutar destes momentos tan especiais arredor dun libro e da palabra. Grazas Inma

O vindeiro mércores día 12, á seis da tarde o alumnado do grupo de "Taller de Expresión " do colexio poñerá en escea No Auditorio "A Xuventude" a peza titulada "O rapaz no buraco", adapatación do libro de Jordi Sierra i Fabra titulado "El niño que cayó en un agujero".