blogue deadmin

Calendario de xogos e turnos dos Axudantes de Biblioteca durante o recreo

No día de hoxe varios membros do Consello Escolar reuníronse co Xefe Territorial de Educación, o Xefe Técnico, o alcalde de Cambados e o arquitecto que realizou o anteproxecto da Reforma do centro no salón de Plenos do Concello de Cambados. O Xefe Territorial comprometeuse a rematar o proxecto en xaneiro de 2011 para poder iniciar as obras no verán dese ano, obras que comprenderán a mellora do Patio Cuberto no que se imparte a Educación Física, a ampliación da Biblioteca Escolar  e a creación do Comedor, a continuación desta ata a Rúa Pardo Bazán.

Poden descargar o seguinte impreso de solicitude e entregalo no centro unha vez cumprimentado. 

Este martes, día 11 de maio, estivo no centro o Xefe Territorial de Educación acompañado do Alcalde de Cambados, o Arquitecto do Concello e a directiva da ANPA. Logo de percorrer as instalacións do centro acordaron que se iniciase a realización dos planos para a primeira etapa da reforma do centro, que incluirá o acondicionamento e cubrición do patio no que se imparte Educación Física e a ampliación da Biblioteca ata a Rúa Pardo Bazán, espazo no que se acollerá tamén o comedor escolar. A realización dos planos correrá a cargo do Concello.

Tamén se acordou revisar e mellorar a instalación electrica do centro para que poidamos participar na primeira fase do proxecto ABALAR, proxecto polo que se lle facilitarían ordenadores a todos os alumnos de quinto e sexto curso de Primaria.

A vindeira semana os responsables da organización e seguimento dos xogos alternativos no patio dos maiores serán os seguintes equipos:

Luns: Populares

Martes: Populares

Mércores: Anxos e demos

Xoves: Flame

Venres: Anxos e demos

Como sempre, cada equipo conta con alumnado de 4º, 5º e 6º para iniciar o xogo. Ao remate do mesmo o equipo organizador ha de recoller no libro de rexistro dos xogos o desenvolvemento do mesmo no patio.