REXURDIMENTE:O alumnado de sexto interpreta a versión do grupo De Vacas sobre o poema de Rosalía de Castro, que nos serve para engarzar a celebración do Día de Rosalía e o Día da muller do 8 de marzo, baseado todo neste gran poema da nosa gran dama Rosalía de Castro.
Primeiro está o video do noso alumnado e a continuación o orixinal do grupo De Vacas.
Pasamos toda a semán de entroido cumprido as mandas do meco e o venres 12 tocounos disfrazarnos con diversos atuendos relacionados co tema A saúde, dentro do noso proxecto de curso Coidarnos é querernos.
Ímosvos presentar o libro dixital que recolle os principais personaxes do Entroido en diferentes lugares de Galicia, así como un vídeo onde se ve como son estas celebracións.
Este material foi recollido por Liliana Carro, mestra no IES Rosais II, centro ao que está adscrito o noso.
Desde o CEIP Vicente Risco queremos agradecer enormemente esta aportación que agora facemos pública á toda a nosa comunidade educativa.
Aquí tedes o video recompilatorio das vosas imaxes coas cabazas que recibimos no correo nesta edición especial do Samaín e dentro do proxecto de centro Coidarnos e querenos.
Grazas Carlota e familia por facer este fantástico recordo para todas e todos os que pertencemos á comunidade educativa, o paso por Infantil queda cunha lembranza marabillosa. Que sorte temos!!!!!
Non podiamos deixar pasar a ocasión para poder rendilles un pequeno recoñecemento a Rocío, Loli e Pilar, as nosas coidadoras da limpeza. Elas fixeron, fan e farán que todo o noso colexio, e recinto do centro educativo, estea nas condicións óptimas para que todas e todos os poidamos empregar co maior aproveitamento posible. Amais, nestes tempos, profes, familias e alumnado, estamos dobremente agradecidas e agradecidos por tanto e tan bo traballo que realizan. Cóidannos en seguridade. É por iso, polo que lles damos as GRAZAS.