Debido ao solapamento das datas de entregas de notas coas datas de matrícula, o equipo directivo do IES Rego de Trabe decidiu facer uns cambios, aos que se poden acceder no enlace que figura ao final desta mensaxe.

O día 27 segundo vaian entregando os boletíns e certificacións académicas, xa poden ir polo IES a matricularse e o día 28 todo o alumnado restante.

Non se recollerán sobres de matrícula aos que lle falten algunha da documentación solicitada.

Desculpen as molestias.

FORMALIZACIÓN MATRÍCULA NO IES REGO DE TRABE

Publicados tanto a Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 como recollen os seguintes aspectos:

Beneficiarios/as: Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:

Fondo solidario de libros texto do alumnado matriculado en 3º, 4º, 5º e 6º de Educación Primaria.

Axudas para adquirir libros de texto destinadas ao alumnado matriculado en 1º e 2º de EP, e en Educación Especial (EE), así como axudas que pode recibir o alumnado incluído na disposición adicional primeira da orde.

Axudas para material escolar destinadas ao alumnado matriculado en EP e EE.

Prazo de solicitude: Do 20 de maio ao 21 de xuño (ambos incluídos). O alumnado que se incorpore ao centro docente fóra deste prazo disporá dun mes contado a partir do día seguinte ao da formalización da matrícula. Non se poderán presentar solicitudes despois do 2 de abril de 2024.

Presentar os impresos de solicitude e documentación complementaria especificada a continuación:

1. Anexo I e Anexo II

2. Copia do libro de familia ou documento equivalente, onde figure o/a alumno/a e os demais membros computables da unidade familiar.

3. En caso de separación ou divorcio, ademais, deberán aportar a sentenza xudicial e/ou convenio regulador onde conste a atribución da custodia do/da menor.

Quedan publicadas as listaxes definitivas de admitidos no taboleiro do centro.

Contra esta resolución poderase interpoñer recurso de alzada ante o responsable da Xefatura Territorial da Consellería de Educación, Universidade e Formación Profesional no prazo dun mes.

PRAZO PARA A FORMALIZACIÓN DA MATRÍCULA

 * O alumnado admitido formalizará a súa matrícula no Centro, do 20 ao 30 de xuño.

Poden descargar os documentos nos seguintes enlaces:

- Documentación para formalizar a matrícula.

- Impreso para a formalización matrícula.

Dende o CMUS Profesional de Música da Coruña pídennos que compartamos a seguinte información: O centro abre as súas portas para todos aqueles nenos e nenas nados entre 2008 e 2015 que queiran coñecer o centro e os distintos instrumentos que se poden estudar nel. Os días 3, 10 e 17 de marzo, en horario de 17:15 a 18:15, poderán asistir a ensaios das agrupacións do centro e, posteriormente, solicitar asistir a unha mostra dos instrumentos que máis lles gusten. Para participar nestas Xornadas deben cubrir este cuestionario antes do 23 de febreiro de 2023. Estades todos e todas convidados.

A partir de hoxe, 16 de xaneiro, ata o 6 de febreiro, comeza o procedemento de admisión de alumnado en centros docentes sostidos con fondos públicos coa reserva de praza nun centro de adscrición para alumnado que cambia de etapa.

Tedes toda a información na páxina da Consellería, premendo AQUÍ.

A primeira parte do proceso é a de reserva de praza do alumnado de 6º de Educación Primaria para o IES ao que estamos adscritos, no noso caso, o IES Rego de Trabe.

O prazo de presentación de solicitudes de reserva (segundo os modelos ED550A e ED550Abis) comprende entre os días 16 de xaneiro ao 6 de febreiro de 2023, ambos inclusive.

As solicitudes presentaranse preferiblemente por vía electrónica mediante o formulario normalizado dispoñible na aplicación informática admisionalumnado (https://www.edu.xunta.gal/admisionalumnado), a través da Sede Electrónica da Xunta de Galicia (https://sede.xunta.gal).

Opcionalmente, poderanse presentar solicitudes presencialmente no noso centro docente (en horario de Administración de 9:00 a 13:30 horas) ou en calquera dos lugares e rexistros establecidos na normativa reguladora do procedemento administrativo común.

• A documentación para a presentación é a seguinte:

1. Solicitude segundo o Anexo I da Orde (ED550A)

2. Anexo I-bis (ED550Abis - Comprobación de datos e consentimento da outra persoa proxenitora, titora ou acolledora)

• Documento acreditativo da representación: Copia do libro de familia ou documento equivalente onde figure o/a alumno/a e as persoas proxenitoras, ou resolución administrativa ou xudicial acreditativa da situación de acollemento (de ser o caso).

• Comprobación de datos. Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente do Anexo e achegar unha copia dos documentos: DNI/NIE da persoa solicitante e, de ser o caso, DNI/NIE da persoa representante.

 A segunda parte do proceso é a de admisión de alumnado novo no noso centro.

O proceso de solicitude terá lugar entre o 1 e o 20 de marzo de 2023, ambos inclusive.

Serán utilizados os modelos ED550B e ED550B-bis para a solicitude.

CIRCULAR ANPA

IMPRESO ALTA/BAIXA ANPA