O novo equipo que conforma a ANPA dálles a benvida ao novo curso escolar e pon á súa disposición os seguintes documentos con información relativa á oferta de actividades extraescolares e servizo de almorzos e comedor:

- CIRCULAR INICIO DE INICIO DE CURSO 2023-2024

Fe de erratas: na actividade de cociña I e II o prezo correcto é 29 euros por 2 días á semana, non 16 euros.

- NORMAS FUNCIONAMENTO ALMORZOS.

Tamén poden consultar toda a información no seu BLOG.

Dende o CMUS Profesional de Música da Coruña pídennos que compartamos a seguinte información: O centro abre as súas portas para todos aqueles nenos e nenas nados entre 2008 e 2015 que queiran coñecer o centro e os distintos instrumentos que se poden estudar nel. Os días 3, 10 e 17 de marzo, en horario de 17:15 a 18:15, poderán asistir a ensaios das agrupacións do centro e, posteriormente, solicitar asistir a unha mostra dos instrumentos que máis lles gusten. Para participar nestas Xornadas deben cubrir este cuestionario antes do 23 de febreiro de 2023. Estades todos e todas convidados.

A partir de hoxe, 16 de xaneiro, ata o 6 de febreiro, comeza o procedemento de admisión de alumnado en centros docentes sostidos con fondos públicos coa reserva de praza nun centro de adscrición para alumnado que cambia de etapa.

Tedes toda a información na páxina da Consellería, premendo AQUÍ.

A primeira parte do proceso é a de reserva de praza do alumnado de 6º de Educación Primaria para o IES ao que estamos adscritos, no noso caso, o IES Rego de Trabe.

O prazo de presentación de solicitudes de reserva (segundo os modelos ED550A e ED550Abis) comprende entre os días 16 de xaneiro ao 6 de febreiro de 2023, ambos inclusive.

As solicitudes presentaranse preferiblemente por vía electrónica mediante o formulario normalizado dispoñible na aplicación informática admisionalumnado (https://www.edu.xunta.gal/admisionalumnado), a través da Sede Electrónica da Xunta de Galicia (https://sede.xunta.gal).

Opcionalmente, poderanse presentar solicitudes presencialmente no noso centro docente (en horario de Administración de 9:00 a 13:30 horas) ou en calquera dos lugares e rexistros establecidos na normativa reguladora do procedemento administrativo común.

• A documentación para a presentación é a seguinte:

1. Solicitude segundo o Anexo I da Orde (ED550A)

2. Anexo I-bis (ED550Abis - Comprobación de datos e consentimento da outra persoa proxenitora, titora ou acolledora)

• Documento acreditativo da representación: Copia do libro de familia ou documento equivalente onde figure o/a alumno/a e as persoas proxenitoras, ou resolución administrativa ou xudicial acreditativa da situación de acollemento (de ser o caso).

• Comprobación de datos. Os documentos relacionados serán obxecto de consulta ás administracións públicas. No caso de que as persoas interesadas se opoñan a esta consulta, deberán indicalo no recadro correspondente do Anexo e achegar unha copia dos documentos: DNI/NIE da persoa solicitante e, de ser o caso, DNI/NIE da persoa representante.

 A segunda parte do proceso é a de admisión de alumnado novo no noso centro.

O proceso de solicitude terá lugar entre o 1 e o 20 de marzo de 2023, ambos inclusive.

Serán utilizados os modelos ED550B e ED550B-bis para a solicitude.

CIRCULAR ANPA

IMPRESO ALTA/BAIXA ANPA