A escritora galega Érica Esmorís, autora de entre outras obras Patio de luces pola que gañou o XI Premio Ciudad de Málaga, participou unha charla-coloquio co alumnado do terceiro curso de primaria. Moitas grazas por compartir este día connosco. 

O alumnado de 4º de primaria tivo oportunidade de participar no obradoiro ECOPERCUSSION, actividade didáctica do programa municipal EDUCACULLEREDO. É un obradoiro alternativo no que, partindo de materiais de refugallo (botellas, latas, bidóns de pintura ...) o alumnado aprende a facer batukada.

 Este curso participamos por primeira vez, co alumnado de 1º e 2º de Primaria, en DAFIS (Datos sobre a valoración da Condición Física Saudable), enmarcado no Plan Galicia Saudable. Os protocolos de valoración pretenden medir aquelas cualidades físicas e psicomotoras que está demostrado que gardan relación coa saúde (forza, resistencia, flexibilidade e axilidade-velocidade). Estos datos permítennos coñecer en qué estado físico se atopa cada alumno/a. Esta valoración é fundamental para coñecer e facer un seguimento dos seus valores de condición física, a partir dos cales poder deseñar actuacións adaptadas ás súas necesidades. A continuación, presentamos algunhas das probas físicas que forman parte do protocolo:

• CARREIRA DE IDA E VOLTA 4 x 10 METROS (para valorar a velocidade, a axilidade e a coordinación).

• PRENSIÓN MANUAL (para valorar a forza máxima isométrica).

• BACK-SAVER SIT AND REACH (proba de flexibilidade).

• SALTO HORIZONTAL COS PÉS XUNTOS (para valorar a forza explosiva do tren inferior).

• SUSPENSIÓN COS CÓBADOS FLEXIONADOS (para valorar a resistencia a forza do tren superior).

• E tamén medímonos e pesámonos para calcular o índice de masa corporal (IMC).

No corredor do primeiro andar atopamos a exposición creada polo alumnado do 1º curso de primaria con obxectos elaborados a partir das 3R: reducir, reciclar e reutizar.

O alumnado do primeiro ciclo desprazouse ó Auditorio Gustav Mahler do conservatorio de Culleredo para desfrutar do concerto didáctico A MÁQUINA DAS EMOCIÓNS creado polo equipo docente deste. Esta obra presenta algúns instrumentos e amosa como a través da música podemos expresar e canalizar as nosas emocións.

O alumnado do terceiro ciclo continúa formándose grazas ás charlas, realizadas por membros da Garda Civil, dentro do Plan Director. 

Unha fermosa xornada a vivida polo alumnado do primeiro ciclo na saída á granxa O Ventoso (Laracha) onde, entre outras moitas actividades, montaron en pony e deron de comer á burra Lady. 

O venres 3 de maio celebramos a festa tradicional dos MAIOS. Agradecemos a todas as persoas participantes, especialmente, a colaboración da Agrupación Folclórica Ancoradoira.

Premede na imaxe para acceder ás imaxes e vídeos. 

Esta semana o corredor do primeiro ciclo de primaria enchéronse de balón para recibir ó escritor PERE TABARUELA, autor de MARIÑA E O BALÓN.  Despois de conversar co alumnado de 1º de primaria asinoulles os seus libros. Moitas grazas pola visita.