O pasado 20 de xuño íamos de excursión ao Grove todo o colexio! Visitamos o Acuario, fomos en barco e, mentres uns foron á praia, outros visitamos a Aldea Grobit na Illa da Toxa.
Pasámolo tan ben que algúns e algunhas viñeron durmindo de volta!
As nenas e nenos de 3º de Educación Primaria xuntámonos con outros compañeiros de outros coles no club de tenis de Pontevedra para probar este deporte. Foi unha experiencia moi divertida e enriquecedora e pasámolo moi ben.
O pasado día 25 realizamos cos nenos e nenas de 4º de Primaria un percorrido guiado polo centro histórico de Pontevedra para descubrir a cidade a través de xogos. A continuación deixámosvos algunhas fotos que sacamos durante a realización da actividade.
En relación ao proxecto deste ano no que traballamos sobre o tema da auga, estreamos a nosa nova caseta meteorolóxica que fabricou con moito agarimo o noso conserxe, Soto.
Ao longo destes meses vimos rexistrando os fenómenos atmosféricos da nosa contorna empregamos diferentes instrumentos. Isto nos serviu para observar os cambios no clima nas diferentes estacións e facer prediccións.