| CEIP de Quiroga

ENTROIDO 2012

Dom, 02/19/2012 - 14:17 — Anónimo

Durante a semana do 13 ao 17 de febreiro de 2012 conmemoramos o Entroido no CEIP de Quiroga dun xeito máis tradicional con consignas que nos mandaba traer unha momia que estaba no recibidor do noso cole. O venres 17 trouxemos todas as consignas xuntas (sombreiro, gravata, a parte de arriba dun pixama, dous zapatos diferentes) e estabas todos moi fermosos e moi simpáticos. Xa pola tarde tivemos unha festa de disfraces con cancións propias do Entroido. Podes ver as fotos deste evento premendo na seguinte imaxe:

CONSIGNAS DE ENTROIDO:

Dom, 02/12/2012 - 17:37 — Anónimo

Neste curso 2011 - 2012 celebraremos o Entroido no CEIP de Quiroga dun xeito máis tradicional disfrazando cada día (de luns a xoves unha parte do noso corpo e o venres traeremos as catro consignas xuntas). Desde o Equipo de Dinamización da Lingua Galega queremos animar a toda a Comunidade Educativa a participar nas consignas de Entroido que serán as que seguen:

- LUNS: Un sombreiro.

- MARTES: Unha garavata

- MÉRCORES: A parte de arriba dun pixama

- XOVES: Dous zapatos diferentes

- VENRES: Todas as consignas anteriores.

30 DE XANEIRO: DÍA DA PAZ E A NON VIOLENCIA ESCOLAR

Lun, 02/06/2012 - 12:31 — Anónimo

Este curso 2011 - 2012 foron moi entretidas as actividades relacionadas co Día da Paz.

Elaboramos entre todo o centro pombas con mensaxes de paz que posteriormente colgamos en pólas dunha árbore á que chamamos "A árbore da Paz".

Entre todos os nenos e nenas e mestres e mestras formamos a palabra PAZ no patio do noso cole. Podes ver as fotos premendo na seguinte imaxe:

Tamén aprendemos unha canción de Juanes chamada "Paz, paz, paz".

EQUIPO DE VOLEIBOL CEIP DE QUIROGA

Mar, 01/24/2012 - 11:13 — Anónimo

O pasado sábado 21 de xaneiro de 2012 os equipos de voleibol do CEIP de Quiroga, de 3º e 4º curso de Educación Primaria desprazáronse ata Monforte de Lemos para xogar o seu primeiro partido.

O equipo de 3º curso, non puido derrotar ao equipo do Ferroviario, e acabou perdendo por 2-0 a pesar de facer un moi bo partido.

O equipo de 4º curso, derrotou por 2-1 ao equipo dos Escolapios, nunha impresionante remontada final, despois de ir perdendo no 2º e no 3º set.

Podedes ver todas as fotos dos partidos nas nosas galerías no seguinte enlace:

http://www.edu.xunta.gal/centros/ceipquiroga/galeria/thumbnails.php?album=166