5º Curso

O alumnado de 5º e 6º está a realizar un novo ensaio para actuar como o curso pasado no centro, conmemorando o pasado romano da nosa cidade. 

Hoxe, 3 de abril, celebramos en 5º B o 90 aniversario de Jane Goodall, coñecida etóloga que adicou parte da súa vida ao estudo do comportamento dos chimpancés e á loita pola conservación e o benestar animal. Despois de visionar o seu documental "El viaje de Jane" seguimos aprendendo un montón de cousas sobre esta marabillosa muller. Noraboa "institutojanegoodallesp.

Durante os días previos ao 8M, en 5º de primaria estivemos traballando cun material creado por @mestraru, o cal nos deu a oportunidade de coñecer a diferentes mulleres da historia de Galicia.

A importancia da aprendizaxe de idiomas para entender as culturas. A importancia da cultura para aprender un novo idioma. Mentras un alumno/a mellora o seu castelán, os seus compañeiros/as interésanse por coñecer o seu idioma. INCLUSIÓN ESPONTÁNEA.

O alumnado do terceiro ciclo comezou a súa participación no Programa Prensa-Escola que é unha aposta de La Voz de Galicia para que o xornal chegue á escola e se converta nun elemento pedagóxico importante no proceso de aprendizaxe do alumnado. O seu obxectivo é que, a través das súas páxinas, os escolares desenvolvan o sentido crítico que lles axude a converterse en cidadáns dunha sociedade plural e democrática.

O pasado 26 de outubro o  alumnado de 5º de EP participou e desfrutou  da xornada sobre voluntariado da Fundación Juan Soñador na que coñeceron de primeira man a importancia da labor dos voluntarios e voluntarias.

As nenas e nenos de 5º e 6º de primaria realizamos neste terceiro trimestre un kamishibai para representar despois aos nosos compañeiros e compañeiras na biblioteca. O conto foi elaborado totalmente por nós, tanto os debuxos como o texto. Cremos que aos nosos compañeiros /as lles gustou moito. Titúlase " A gota perdida" e aquí vos deixamos algunhas fotos.

O alumnado de 5º de Primaria saíu o pasado venres 19 de maio ata o Clube de Piragüismo para realizar unha actividade con "dragóns", unha especie de canoas equipadas para unhas 25 persoas. Como eran moitos, foron en dous dragóns diferentes. Cremos que lles encantou a experiencia e que lles gustaría  repetir outro ano máis.