A Semana da Muller e a Nena na Ciencia no cole empezou cunha actividade proposta polo equipo de Biblioteca que os nenos e nenas agardan con moita expectación: averiguar, mediante pistas diarias,a persoa agochada;este ano tocoulle á ...Científica Investigada !
Tivemos a sorte de contar con Neves Seoane ,física da atmosfera e directora do CIAR,o Centro de Investigación Aerotransportada de Rozas, un Centro punteiro para ensaio de voos non tripulados en Europa que temos a só 15 km de Lugo
Para poder cumprir co protocolo Covid,6ºA quedou na sala multiusos seguindo a charla de xeito presencial,mentres que 6ºB o facía por videoconferencia desde outra aula,aínda que tamén contaron coa presencia de Neves cara o final
Contamos tamén coa bióloga María Veiga ,profesional adicada á seguridade e tecnoloxía alimentarias, que estivo cos grupos de 5º .
5º B
Se vos quedades con ganas de saber máis do traballo destas dúas mulleres científicas ,máis adiante teredes a oportunidade ,xa que as nosas preguntas quedarán reflexadas no xornal escolar a xeito de entevista.Non volo perdades!
5º A
6ºA
6ºB
Non nos queda máis que agradecerlles a Marta Veiga e Neves Seoane que fixeran un oco na súa axenda para vir ao noso cole no Día da muller e a nena na Ciencia;agradecerlles tamén o entusiasmo que nos transmitiron polo que fan e por animarnos - sobre todo ás nenas- a conseguir todo o que nos propoñamos ,sigamos ou non unha carreira científica,malia as trabas do camiño simplemente por ser muller.
MOITAS GRAZAS POR VIR AO CEIP PARADAI !
GRAZAS TAMÉN POLOS AGASALLOS !