Skip to main content
Iniciar sesión: Acceso

PROCESO DE ADMISIÓN PARA O CURSO ACADÉMICO 2023-2024

 

 FASE DE ADMISIÓN

 

Prazo: O prazo de solicitude abranguerá do 1 ao 20 de marzo do 2023, ambos incluídos.

 

Para presentar unha solicitude deberá seguir algunha das opcións descritas a continuación:

 

1. Cubrir a solicitude informáticamente e presentala asinada de xeito manual no centro:
Para presentar a solicitude presencialmente no centro deberá seleccionar a opción de menú “
Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Crear e Confirmar”. Feito isto poderá descargala para asinar e presentar no centro.

 

2. Cubrir a solicitude informáticamente e asinala en Sede Electrónica
Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para iso deberá premer na icona verde que se atopa arriba á dereita. Posteriormente deberá seleccionar a opción de menú “
Solicitudes --> Admisión --> Crear”. Deseguido aparecerá unha pantalla na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, deberá premer no botón “Confirmar solicitude” e posteriormente premendo no botón "Firmar e presentar en Sede Electrónica", poderá asinar a solicitude dixitalmente, quedando como presentada no centro, sempre que o proceso de sinatura remate correctamente. Debe achegar escaneada toda a documentación pertinente á hora de presentar a solicitude.

IMPORTANTEDebe achegar, na Sede Electrónica da Xunta de Galicia, o anexo II bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, últimas páxinas da solicitude que pode visualizar e descargar na aplicación).

 

Aplicación admisión alumnado: Pulse AQUÍ

 

3. Cubrir a solicitude manualmente e presentala asinada presencialmente no centro.

 

Descarga do formulario: Pulse AQUÍ

 

 

Normativa de aplicación:

 

  • Orde do 21 de outubro de 2022 pola que se desenvolve o Decreto 13/2022, do 3 de febreiro, ese regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica2/2006, do 3 de maio, de educación (códigos de procedemento ED550A, ED550B e ED550C).

  • Decreto 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación.

 

  • Criterio desempate: Pulse AQUÍ

 

 

 

 

CALENDARIO PROCEDEMENTO ADMISIÓN E MATRÍCULA

PRAZO RESERVA DE PRAZA

16 de xaneiro a 6 de febreiro

PUBLICACIÓN LISTAXE DO ALUMNADO CON POSTO RESERVADO

22 de febreiro

DATA SORTEO PÚBLICO PARA OS EFECTOS DE DESEMPATE

A última semana do mes de febreiro e, en todo caso, antes do 1 de marzo

PUBLICACIÓN POSTOS ESCOLARES VACANTES

Antes do 1 de marzo

PRAZO SOLICITUDES DE ADMISIÓN

1 a 20 de marzo

PRAZO PRESENTACIÓN DOCUMENTACIÓN ACREDITATIVA BAREMO

10 días hábiles, contados a partir do día seguinte ao remate do prazo para presentar as solicitudes de admisión

LISTAXES PROVISIONAIS ADMITIDOS E NON ADMITIDOS

25 de abril

RECLAMACIÓNS LISTAXES PROVISIONAIS

5 días hábiles, contados a partir do seguinte á data de publicación das listaxes provisionais do alumnado admitido e non admitido

ISTAXES DEFINITIVAS

15 de maio.

FORMALIZACIÓN DA MATRÍCULA

20 a 30 de xuño

 

Máis información

 

ENTROIDO 2023

VENRES 17 DE FEBREIRO- DESFILE DE ENTROIDO.

 

PREME NAS IMAXES E VERÁS QUE BEN O PASARON ESTE SEMANA O ALUMNADO DO COLEXIO CO ENTROIDO!

DÍA MUNDIAL DA RADIO 2023

Esta semana celebrouse o Día Mundial da Radio e que mellor xeito de rendirlle homenaxe que poñendo en marcha Tilandra nas Ondas. Pero para comezar, hai que aprender, e a iso foi ao que nos adicamos nestas últimas semanas. O alumnado de 6º tivo o privilexio de participar nun Obradoiro de Radio da man de Damián Alonso, de Ponte nas Ondas. Con el, puideron iniciarse na edición de audios e tamén na elaboración dun primeiro programa, sendo eles os creadores dos contidos e tamén os técnicos de son. Unha experiencia moi completa! E aquí vos deixamos o resultado:

Mandatos de Tilandra

 

Un curso máis, celebramos O Entroido no colexio. Para comezar, ao longo da semana cumpriremos os Mandatos de Tilandra. Non esquezades que son acumulativos.

              Así que toca divertirse!

 LUNS

Se no Entroido queres gozar,

Día escolar da PAZ

O 30 de xaneiro celebramos o Día da Paz no noso colexio.

Preparamos distintas actividades:

-Elaboración dunha pomba por aula.

-Mural de mans de distintas cores.

-Xogos da Paz: dominó, memory, bingo e quen é quen?

Para rematar gravamos  un vídeo coa canción: Vivan as mans de cores.

Velaquí atopades o acontecido!

Concurso logo e nome da radio escolar

O alumnado do colexio participou na elaboración do logo e do nome para a nosa radio. En primeiro lugar, nas aulas debuxaron os logos e propuxéronse os nomes. Cada aula elixiu un debuxo e un nome; para finalizar votouse unha das propostas.

E aquí vos presentamos o logo que nos vai a acompañar con nome da radio: TILANDRA NAS ONDAS!

A autora é: Lilian Nairoby Quirós Blanco.

Noraboa Lili!

 

3, 2, 1 .... ARRANCA A RADIO ESCOLAR!

Neste curso 2022/2023. no CEIP Os Tilos iniciamos o proxecto de Radio na Biblio, no marco da Biblioteca Escolar, como se recolle na Resolución da  convocatoria da Dirección Xeral de Ordenación e Innovación Educativa, no contexto do PLAN LÍA de Bibliotecas Escolares (Lectura, Información e Aprendizaxe), do proxecto “Radio na biblio”, para a introdución da radio nas bibliotecas escolares dos centros que matriculan alumnado de educación infantil, primaria, educación secundaria obrigatoria, bacharelato ou formación profesional integrados no Plan de mellora de bibliotecas escolares, para o curso 2022/2023.

VISITA DA ASOCIACIÓN: A MÁMOA DE LUOU

O venres 13, viñeron ao cole Andrea Feros, Sara Pardo e Manuel Pardo, integrantes da asociación cultural A Mámoa de Luou. As nenas e nenos de cuarto e quinto de Ed. Primaria, puideron ver e escoitar os principais instrumentos do folclore tradicional, así como os ritmos caracerísticos da nosa música: muiñeira, xota, pasodobre, polka... Asemade coñeceron como se baila nas foliadas.

Agradecemos a colaboración da asociación, que de forma desinteresada non fixo desfrutar e aprender un pouco máis da nosa cultura e da nosa música.

 

FESTA DE NADAL

Para rematar o primeiro trimestre do curso, celebramos unha festa de Nadal. O alumnado de Ed. infantil e 1º de Ed. Primaria desfrutaron dun espectáculo de títeres: "O Nadal na Fraga" de Títeres Cascanueces e os cursos de 2º, 3º, 4º, 5º e 6º de Ed. Primaria cantaron e bailaron coa discoteca móbil Animus.

 

POSTAIS DE NADAL 2022

Cada ano polo Nadal, organizamos no centro un concurso de postais, que posteriormente son as encargadas de felicitar as festas á comunidade educativa. As postais gañadoras deste curso foron as seguintes:

Postal en grupo de 2º A de Ed. Primaria

Postal gañadora de 6º A de Ed. Infantil: Lucas Boado Silva.

NORABOA!

Distribuir contido