CEIP Plurilingüe Os Tilos

Os nenos e nenas de terceiro de Ed. Primaria, dentro da actividade "Contos de outono", prepararon un conto teatralizado do libro "Corre, corre cabaciña". Ao resto do alumnado do colexio encantoulles, desfrutaron duns minutos moi divertidos. 

O outono está chegando ao seu termo e cada ano,  arredor destas datas celebramos o Concurso da Castaña Monstruosa.  A premisa deste curso foi o PDI: Diferentemente iguais. Cada aula presentou a súa castaña ao concurso e o alumnado votou a que máis lle gustou.

O pasado xoves, 10 de novembro celebramos o magosto no colexio. Comezamos cunha xornada de xogos: zancos, rá, a pita cega, aros, bolos, carreiras con castañas...O alumnado de sexto colaboraron como monitores e as distintas aulas rotaban nos xogos. Foi un día de diversión para os nenos e as nenas do centro. Para rematar o día, degustamos unhas ricas castañas asadas (actividade en colaboración coa ANPA).

Velaquí tedes o acontecido, preme na seguinte imaxe.

O alumnado de terceiro e quinto  de Ed. Primaria,  descubriron o apaixonado mundo da Astronomía, nunha viaxe polo espazo dentro dun planetario de derradeira xeración, instalado no colexio. Dentro do programa cultural Ruta Quetzal, creado polo periodista e aventureiro Miguel de la Cuadra Salcedo. atopamos un proxecto docente motivador e cautivador,  adicado á divulgación científica. Esta actividade, despertou nos nenos e nenas a curiosidade por coñecer máis sobre os temas relacionados co Universo.

O pasado xoves,3 de novembro, tivemos o privilexio de contar cunha visita moi especial, a do enxeñeiro forestal Diego de Vallejo, máis coñecido por ser tamén o  youtuber Poty Ambienturas. A través da súa canle, achega ás nenas e nenos moitos coñecementos sobre a fauna, a flora e o medio ambiente. Da súa man, o alumnado dos Tilos puido aprender, entre outras cousas, a diferenciar serpes velenosas de outras que non o son, que bioindicadores nos axudan a saber se a auga é potable ou incluso a camuflarse no monte. Moitas grazas Poty e volve cando queiras!

Benvido outono!

No CEIP Plurilingüe Os Tilos, recibímoste con contos teatralizados polos alumn@s de quinto e sexto de primaria. O obxectivo principal desta actividade e fomentar a lectura e a creatividade do alumnado. Formaron grupos, elexiron conto e mans a traballar .

Un curso máis, celebramos o Samaín no colexio. Decoramos as portas, os corredores e a biblioteca, con estraños e  horripilantes hóspedes:  morcegos, esqueletos, bruxas, arañas ...Asemade desfrutamos dos contos terroríficos que prepararon os alumnos/as de quinto e sexto de Educación Primaria. Os nenos e nenas,  o venres 28 de outubro, disfrazáronse de personaxes propios e característicos desta festividade.

Hoxe foi un día de festa, xa que, a nosa nova biblioteca comezou a camiñar. Contamos cun novo espazo máis amplo e adaptado ás necesidades do alumnado. Os nenos e nenas de sexto realizaron un gran traballo, colaborando no reto que supuxo trasladar e dar forma a unha biblioteca dinámica, con diversos servizos e recursos, onde os nenos e nenas do colexio atopen múltiples oportunidades de aprendizaxe, expresión e creación.

O Día das Escritoras é unha iniciativa promovida pola Biblioteca Nacional de España. Desde o 2016 búscase reivindicar o labor e o legado das escritoras. Cada ano, celébrase preto á festividade de Teresa de Xesús o 15 de outubro. Este curso a data elexida foi o 17 de outubro e o lema: "Antes, durante e despois das guerras".

O alumnado de sexto participou na gravación dun poema de Ana María Fernández Martínez titulado: "Receita". Prepararon a lectura do poema e contamos coa colaboración de Iago para interpretalo coa linguaxe de signos.

Grazas á familia de Iago!

Ao longo do curso 2022 – 2023, desenvolverase un novo Proxecto Documental Integrado titulado  ”Diferentemente Iguais”.

A través dos contos, tratarase de inculcar entre o alumnado o respecto polas diferenzas entre iguais e a convivir de xeito pacífico cos compañeiros e co profesorado nas actividades educativas diarias. Para acadar estes obxectivos, dende a Biblioteca e, en colaboración co resto dos equipos, deseñaranse actividades nas que poida participar toda a Comunidade Educativa.