Animación á lectura

E chegou o GRAN DÍA! Todos e todas estabamos moi ilusionados coa apertura da nova biblioteca. 

Despois de meses de duro traballo, adicaremos varios días a inaugurar este máxico espazo que será o eixe central de todas as actividades do centro.

Dous alumnos voluntarios de sexto, Adrián e África, cortaron a cinta para a apertura da biblioteca. 

Comezamos coa visita de Magín Blanco, o venres 14 de febreiro, para o alumnado de 4º, 5º e 6º, ainda que tamén fixo unha paradiña co alumnado de infantil que quedou abraiado coas súas cancións.

Todo preparado para comezar!

O pasado 30 de xaneiro conmemoramos o Día da Paz cunha xornada de convivencia no patio. 

Cantamos "Todos somos capitáns" de Magín Blanco e demos lectura  ao noso Decálogo para xogar en Paz, elaborado por todo o alumnado do centro.

O Decálogo quedará exposto no centro durante todo o curso pois son as normas que aportou o alumnado, as normas que eles e elas decidiron para poder xogar a través do diálogo,  o respecto e a inclusión. 

Noraboa a todos e todas por este magnífico traballo!

Mouchos, coruxos, sapos e bruxas

demos, trasnos e diaños...

É o conxuro da queimada? Non, son as Olimpíadas terroríficas do Ruxidoiro. Chegou esta bruxiña para presentar aos gañadores e gañadoras do concurso de micro-relatos de terror.

Aí tedes ao alumnado que encheu de historias de medo o noso colexio. Pasámolo de medo!

NORABOA A TODOS E TODAS!

XA PODEDES DESCARGAR O VÍDEO DO SAMAÍN!

BUSCADE NA GALERÍA DE VÍDEOS OU PREMEDE NESTA IMAXE

O Equipo de Biblioteca en colaboración co Equipo de Dinamización da Lingua Galega organizan un concurso de

MICRO-RELATOS DE TERROR

para o alumnado de 5º e 6º. Os relatos deberán entregarse ao profesorado titor nas aulas. Revisarase a ortografía, a boa letra e unha axeitada presentación. Podedes ilustrar o voso micro-relato como queirades. Lembrade que teñen que ser orixinais así que usade toda a vosa creatividade e imaxinación.

Os traballos serán expostos na web e, ademais, o día do Samaín faremos unha sesión de contacontos dos maiores aos máis pequenos.

Animádevos a participar!

O Equipo de Biblioteca, o Equipo de Actividades complementarias e extraescolares e o Equipo de Dinamización da Lingua Galega convocan as

OLIMPÍADAS TERRORÍFICAS.

Fabricade ou deseñade un personaxe de Samaín practicando algún deporte. Por exemplo, Drácula xogando ao baloncesto cun ollo de monstro.

O pasado 27 de febreiro tivemos unha visita moi especial no noso colexio: Paula Carballeira, unha contadora de historias fermosas e moi divertidas. Charlamos sobre o seu libro "Bruxa e familia" e foi moi amable de asinar todos e cada un dos libros que lle demos. Con todo o que escribiu case lle dá para escribir outro libro! 

Esperamos que nos faga outra visita!