Animación á lectura

Día da muller e da nena na ciencia

Jue, 01/02/2024 - 11:15 — admin

11 de febreiro: AS MULLERES SON CIENTÍFICAS!

Foi proclamado no ano 2015 pola Asemblea Xeral das Nacións Unidas co fin de lograr o acceso e participación plena e equitativa na ciencia para as mulleres e as nenas. E por que credes que non coñecemos tantas mulleres científicas?

Será porque as mulleres tiveron máis dificultades de acceso á educación?

Algunhas ata se tiveron que disfrazar de homes para poder estudar nas universidade!.

Aquí vos deixamos propostas para investigar e

pescudar sobre mulleres científicas.

12 mulleres científicas que marcaron a diferencia

Atrévete a pescudar!

Coñecedes o efecto Matilda? #NOMOREMATILDAS

Na biblioteca atoparedes lecturas diversas sobre mulleres na ciencia.

Recomendacións para o Día da Paz

Mar, 23/01/2024 - 12:20 — admin

Volver a casa por Nadal!

Jue, 14/12/2023 - 11:38 — admin

O 25 de novembro dicimos #ACABOUSE

Mié, 15/11/2023 - 10:40 — admin

Ao longo deste curso, comezando coa conmemoración do Día contra as violencias machistas, o equipo de convivencia propón unha serie de actividades para mirar o mundo que nos rodea con LENTES VIOLETAS.

Reflexións nas aulas sobre os estereotipos, os micromachismos; analizamos letras das cancións que escoitamos, as series que vemos, os "influencers" que seguimos e os libros que lemos e temos nas aulas.

Na biblioteca tedes unha urna para deixar as vosas reflexións. Animamos ás familias a participar!

Desde a biblioteca facemos as seguintes recomendacións lectoras, xogos e cortos que iremos ampliando coas vosas aportacións. Esperamos as vosas suxestións!

TEMPO DE MAGOSTO

Lun, 06/11/2023 - 10:46 — admin

Tempo de outono, tempo de unha das nosas festas tradicionais favoritas:

O MAGOSTO!

Aí deixamos unha recompilación de recursos interesantes para aprender máis sobre esta festa: cantigas, adiviñas, refráns, xogos, imprimibles e contos.

Premede na imaxe.

SAMAÍN DE MEDO!

Lun, 30/10/2023 - 10:49 — admin

O martes 31 de outubro temos organizada unha sesión de contacontos de Samaín. Os maiores contarán contos de medo, deses que asustan moito, dos que arrepían e fan que se nos poñan os pelos de punta.

O alumnado de quinto e sexto participará no concurso de relatos terroríficos. Estamos desexando escoitar esas historias que nos dean calafríos.

O martes 31 cada grupo terá a súa sesión de contacontos e dramatizacións. Aquí vos deixamos o HORARIO.

Durante esta semana estarán expostas as vosas vasoiras terroríficas feitas con material de refugallo.

Agardamos as vosas creacións!

Se queredes aprender máis sobre o Samaín con xogos, cancións, contos... Mirade aquí!

DÍA DAS BIBLIOTECAS ESCOLARES

Vie, 20/10/2023 - 10:46 — admin

O 24 de outubro conmemórase o Día das bibliotecas. A biblioteca é o eixe dinamizador de todas as actividades do centro, é un punto de encontro, un lugar para soñar, para viaxar, descubrir, inventar, imaxinar e aprender sen límites.

Queredes participar no concurso de marcapáxinas? Velaí tedes as instrucións.

Estamos esperando as cosas creacións!

Os axudantes da biblioteca enseñan as zonas de lectura e xogos.

Esperámosvos na vosa biblioteca!

DÍA DAS MULLERES ESCRITORAS

Lun, 16/10/2023 - 10:46 — admin

Hoxe , 16 de outubro, é o Día das Mulleres escritoras. Desde a nosa biblioteca facemos unha pequena homenaxe a todas aquelas escritoras que nos acompañan coas súas historias e relatos ao longo da nosa vida. Algunhas escritoras galegas...

Na biblioteca temos unha exposición de libros escritos por mulleres, para todas as idades e os gustos.

Esperámosvos!

El Hematocrítico de visita no Ruxidoiro!

Sáb, 22/04/2023 - 20:22 — admin

O autor visitou a nosa biblioteca co alumnado de 1º, 2º, 3º e 4º.

Sabedes que El Hematocrítico non é o seu verdadeiro nome?

Entón, quen é este autor?

Chámase Miguel López e naceu en A Coruña en 1976. É mestre de infantil, de inglés e de primaria aínda que agora adícase máis ao mundo da literatura. É escritor, blogueiro, humorista... A nós gústanos moito polos libros que lemos:

Feliz Feroz, Max Burbuja e Dona Problemas

O alumnado de 4º B fíxolle unha entrevista.

Premede na imaxe para escoitala.