A petición da ANPA e en base á demanda de numerosas familias que prefiren a xornada que temos establecida en Setembro e Xuño para todo o ano, iniciamos o procedemento para tentar modificar o horario do centro para os vindeiros cursos escolares.

            A Orde que establece dito procedemento é a do 29 de Maio de 2008 e enumera unha serie de requisitos a acadar:

• Acordo de 3/5 do Consello Escolar
• Acordo de 3/5 do Claustro
•  Informe favorable do Servizo de Transporte
• Acordo favorable do 58% do total do censo de pais/nais ou titores legais do alumnado.
• Elaborar un plan específico de actividades extraescolares para o curso que ven.

Comezaremos o procedemento convocando un Consello Escolar, en sesión extraordinaria, e seguidamente o Claustro. De saír favorable o resultado en ambos, para conseguir a xornada continua, solicitarase o informe ó Servizo de Transporte.

De ser tamén favorable o informe solicitado a Transporte, organizarase unha rolda de información, dun mes de duración, para pais/nais e titores legais sobre o plan de actividades extraescolares e sobre como funcionará o centro coa nova xornada.

Calculamos que decembro e xaneiro poderán ser ese mes de información necesario e posteriormente as votacións.

Aclarar que dito horario non influiría no feito de ter comedor. Unicamente afectaría se neste baixara o seu número de usuarios.

Os horarios que se barallan como posibles serían:

•   De 9:15 a 14:15 a xornada escolar e de 14:15 a 15:15 o comedor.
•    De 9:30 a 14:30 a xornada escolar e de 14:30 a 15:30 o comedor.

Informar que tanto a dirección do centro como a ANPA están á vosa enteira disposición para aclarar calquera dúbida pero que se explicará todo con detalle na fase de información establecida, se os procedementos anteriores foran positivos á xornada continua.

O mércores, 11 de Novembro de 2015, celebrarase a 11ª edición do Día do peón. Esta actividade está convocada (a nivel galego e tamén doutras partes de España) por Brinquedia, a rede galega do xogo tradicional.

                Este ano o Acto central terá lugar no CPI de San Sadurniño, lugar a onde acudirá a nosa escola con todo o alumnado de Primaria. O alumnado de Educación Infantil celebrará esta festa no noso colexio.

                Para ampliar a información   www.brinquedia.net

Contamos no centro cunha exposición itinerante, cedida polo Museo do Humor de Fene, chamada "POLA CARA" que amosa 53 caricaturas feitas por autores galegos, españois e e internacionais. Por iso, convidamos a todas as familias da nosa comunidade educativa a achegarse ao centro, dentro do horario lectivo, para poder visitala.

(máis información no Blog da Biblioteca)

Con motivo da celebración do "DÍA DO PEÓN 2015", a nosa escola vai participar nun proxecto solidario con Gambia (África) chamado SUNU BUGA BUGA. O xeito de colaborar é a través da venda de camisetas e peóns solidarios, que se poderán adquirir o martes 13, mércores 14 e xoves 15 de outubro de 16:30 h. a 17:30.

(Picando en arquivos adxuntos pódese acceder á información do proxecto.)

Lembramos ás familias do centro que a partir do xoves 1 de outubro comezamos o horario de inverno

Entrada: 9:45 h.

Comedor: 13:05 h. - 14:35 h.

Saída: 16:15 h.

O alumnado deberá traer os neceseres para o seu aseo, despois de comer.

Xa non é necesaria a merenda da mañá.

Desde o presente curso, o noso centro está incluido dentro da rede ABALAR MÓBIL da Consellería de Educación. As familias poderán acceder a datos académicos dos seus fillos, a través desta aplicación, que poderá estar instalada no teléfono móbil ou en tablets. Premendo sobre a foto, dispoñen dunha guía de instalación e utilización.

O próximo xoves 10  de setembro, o alumnado do centro levará á casa os impresos de autodeclaración para solicitar o servizo de comedor para o curso 2015-2016.

Pregamos que, unha vez cubertos, se entreguen na Secretaría do centro en horario de 11.00h a 12.00h antes do venres 18 de setembro.

O próximo xoves 10 de setembro dará inicio o novo curso escolar 2015/2016.

Horario de clases  9.30 h a 14.20 h

Horario de comedor 14.20 h a 15.15 h

                                            O alumnado debe traer unha pequena merenda para tomar a media mañá.


O TRANSPORTE PASARÁ POLAS PARADAS:

- POLA MAÑÁ QUINCE MINUTOS ANTES 

- Á TARDE UNHA HORA ANTES DO HORARIO HABITUAL.

As nais, os pais, os/as titores/a legais e os/as acolledores/as familiares do alumnado deste centro de ensino, que desexen, ao longo do curso 2015-2016, colaborar de xeito altruísta nas tarefas de atención e apoio aos escolares usuarios do comedor escolar, poderán apuntarse nas listas de admisión, que, habilitadas para este fin, se atopan na Dirección.

O prazo para presentar solicitudes permanecerá inicialmente aberto ata o día 28 de setembro de 2015, podéndose reabrir un novo prazo, de ser o caso, ata o 20 de decembro de 2015 .

Durante o curso escolar 2015 -2016 só se contará coa colaboración das persoas que figuren anotadas nestas listas.

AXUDAS PARA A ADQUISICIÓN DE MATERIAL ESCOLAR

No DOGA do 1 de setembro apararecen publicadas as axudas para a adquisición de material escolar destinadas aos alumnos matriculados en educación primaria, ESO e educación especial. Terán dereito a esta axuda aquelas familias cunha renda per cápita igual ou inferior a 5.400€

O primeiro día de clase os nenos levarán os impresos de solicitude correspondentes ás casas, e estas deberán ser presentadas na secretaría do centro antes do 30 de setembro, pero pregamos facelo canto antes para poder xerar os vales o antes posible.

No seguinte enlace pódese consultar os requisitos para solicitalas. DOGA