Skip to Content

Proxectos

Visita á fábrica-museo de calzado Creaciones Rama

 

O Alumnado de 5º, este venres 18 de marzo, visita a fabrica-museo de calzado Creaciones Rama, situada no barrio monfortino de As Cruces.

 

Trátase dunha das máis importantes fábricas de calzado da Ribeira Sacra, en activo ata 2002, que se converte en museo gratuíto do calzado, da man do seu propietario don Ramón Pérez, quen frecuentemente recibe excursións de centros educativos, asociacións e colectivos varios.

A entrada nesta fábrica-museo é unha fermosa viaxe ao pasado grazas a que o seu propietario practicamente todos os días vai a fábrica e acende as máquinas, coa finalidade de manter en bo uso a maquinaria e o resto das instalacións.

Todo un privilexio coñecer todo o proceso de fabricación de zapatos e ver como seguen funcionando maquinas de máis de medio século de antigüidade, no lugar no que sempre estiveron, na propia fábrica, como se non pasase o tempo, xunto a zona de recepción de clientes, o despacho da dirección, a sa de mostrario de zapatos e botas, a mesa para deseñar os modelos e a de realizar os patróns...

 

 

Pero ademais, a esta fábrica orixinaria, don Ramón, incorpora unha  maqueta de 20 metros cadrados da cidade do Cabe cos seus edificios e monumentos máis representativos, unha colección de cámaras fotográficas e de vídeo... e incluso carteis da estación do tren de Monforte con preto de 100 anos de antigüidade.

 

 

Vaia o noso agradecemento a don Ramón Pérez, xubilado artesanal do calzado quen con 15 anos ten que facerse cargo do negocio familiar por falecemento de seu pai. Negocio no que traballará, xunto co seu irmán, de aí o nome RAMA, e posteriormente ampliará ata convertelo nunha das fábricas máis importantes da zona.

Trala súa xubilación decide manter vivo o legado da fabricación de calzado en Monforte a través desta fábrica-museo do calzado, contribuíndo así a que Monforte conte con dous museos representativos dos dous oficios tradicionais mais arraigados nesta cidade, os relacionados cos sectores do ferrocarril e o do calzado.

  

Grazas por este legado material e inmaterial.

Bibliocolaboradores artesáns

Semana Artesanal

Durante semana, semana dedicada a artesanía porque este sábado, 19 de marzo, día de San Xosé, patrón dos artesáns, grupos de bibliocolaboradores baixaron no recreo a biblioteca a realizar un par de actividades artesanais, unha relacionada coa madeira e os carpinteiros e outra cos oleiros.

 

Este foi o resultado.

  

 

As pezas realizadas están expostas na biblioteca coa finalidade de amosar creacións artesanais moi sinxelas, ao alcance de todos, realizadas polos seus compañeiros bibliocolaboradores  e fomentar a experimentación, o enxeño e creación artesanal de todo o alumnado.

FERRAMENTAS DE ARTESANOS

Presentamos o libro-vocabulario, Ferramentas de Artesanos, coordinado pola profesora de AL, Beatriz G., e realizado polo noso alumnado en colaboración co profesorado e familias.

Canto e que ben traballarón!

Felicidades!

Grazas.

Artesáns no Portal

PREPARANDO UN BELÉN DE ARTESÁNS E INCLUSIVO

  • RECURSOS
    • ARTESÁNS EN LSE E PICTOGRAMAS

 

Xogos do Magosto

RECURSOS MANIPULATIVOS

Como complemeto aos proxectos de: "Froitas e Hortalizas, "A cociña" e "Xacobeo - Camiño de Santiago" o equipo de biblioteca elaboramos unha serie de recursos manipulativos.

 

PLANTAMOS CABAZAS PEREGRINAS - CAMIÑO DE SANTIAGO

Dentro das actividades relacionadas co Proxecto de Centro "O Camiño de Santiago"

Este mércores, 2 de maio, un grupo de alumnos de 3 anos de infantil saímos ao patio a prantar no xardín unhas cabazas de peregrino, cabaciñas que coñecemos traballado na aula  o vocabulario xacobeo.

 

Acompañan as cabaciñas, previamente plantadas en dúas botas, un bordón (bastón), unha cuncha de vieira e unha cabaza de papel.

Agardamos con ilusión velas medrar e ter unha boa produción para poder compartir con todos e poder colgar do bordón unha cabaza auténtica.

 

VOCABULARIO XACOBEO

 

Durante a semana do 10 ao 14 de maio alumnado de 2º, 3º e participou na elaboración dun Vocabulario relacionado co Camiño de Santiago e o Xacobeounha homenaxe ás Nosas Letras e ao Ano Santo Compostelano. 

Buscamos no dicionario e en internet o significado das palabras, copiamos as definicións no formulario e ilustramos e coloreamos.

Mirade que ben nos quedou.

 

 

O alumnado de 5º e 6º tamén traballou sobre este tema empregando o ordenador persoal para buscar a información e posteriormente elaborar unha presentación en LibreOffice Impress. Ademais unha alumna de 5ºB, Estefanía, colabora cos máis pequenos elaborando a portada.

Bo Camiño!

DÍA MUNDIAL DA SAÚDE (7 abril 2021)

A Organización das Nacións Unidas (ONU) considerou necesario crear un organismo que se dedicase a promocionar o coidado da saúde en todo o mundo. O 7 de abril de 1948 nacía a Organización Mundial da Saúde, polo que se fixou este día para celebrar o Día Mundial da Saúde.

Día que nos convida a lembrar a importancia dos hábitos saudables.

Este ano, desde a biblioteca, en consonancia co proxecto das froitas e hortalizas, optamos por lembrar a importancia dunha alimentación saudable. Por iso propuxemos as familias que nos enviasen receitas con froitas e verduras para elaborar un libro de receitas saudables.

Grazas a súa excelente colaboración, aquí tedes o resultado (fai clic na imaxe para abrir o pdf:

 

 

 

A Organización Mundial da Saúde recordanos que unha forma moi importante de coidar o noso corpo é a través da alimentación. Desde a súa aparición propúxonos diferentes métodos para elaborar unha dieta saudable. Comezóu coa Piramide Nutricional, a Roda dos alimentos e na actualidade, proponos ter enconta o método do Prato Saudable.

  •  Piramide Nutricional

  •  Roda dos alimentos 

  •  Prato de Harvard 

 

Seguindo as recomendacións da Organización Mundial da Saúde, hoxe día 7 de abril, poedemos pintar o noso prato saudable preferido (fai clic na imaxe para abrir o pdf).

 

 

 FELIZ DÍA!

 

DÍA DA POESÍA: Poema encadeado

 

O Día Mundial da Poesía celébrase o 21 de marzo dende que a UNESCO proclamou esta data en 1999. Os obxectivos son fomentar o retorno á tradición oral e aos recitais, así como promover o ensino da poesía e a diversidade lingüística a través da expresión poética.

Este curso decidimos escribir, ilustrar e recitar entre todos un poema encadeado

Comeza a cadea o 1 de marzo en 3 anos e vai avanzando ordenadamente ata chegar a 6ºB o venres día 19.

Ao coincidir en domingo trasladase ao luns a lectura de todo o poema, polo alumnado de 5º, e a presentación do vídeo, elaborado co texto e a audición aportados por todos os grupos.

 

Este foi o resultado

 

Parabéns a todos polo excelente trabalo realizado

 

Distribuir contido


by Dr. Radut