Hoxe xoves 15 de xuño de 2017 visitou a nosa aula de AACC Arno Formella, profesor de Linguaxes e Sistemas Informáticos na Escola Universitaria de Enxeñeiros Informáticos da UVigo (Campus de Ourense). A charla foi do máis dinámica e versou sobre unha das bases da informática, os algoritmos. Utilizando pasta alimentaria (espaguetes e sopa de letras) o ponente fixo comprender ao noso alumnado como funcionan os ordenadores.
Ademais, puideron ver a aplicación de algoritmos cun vídeo de Youtube no que se pode apreciar como un ordenador ordena "espaguetes" seguindo distintos algoritmos. Realmente interesante!
Moitas grazas Arno pola túa visita e a túa colaboración.
O xoves 8 de xuño visitou a aula de AACC do CEIP Mestre Vide José Ramón Fernández Morgade. O poeta compartiu co noso alumnado os motivos que o levaron a mergullarse no mundo da poesía, a orixe do Círculo Poético Ourensán e como non a súa poesía.
Ademais, o autor agasallounos con 4 libros, dúas copias por duplicado das súas obras "Me evaporo" e "Lúas do Deserto" Moitas grazas por ese agasallo e por esa enriquecedora visita.
Non vos podedes perder os actos que se celebraron no noso centro para a celebración do día das Letras Galegas. O noso alumnado participou de xeito variado: lendo, cantando, bailando e actuando! todo arredor das obras de Carlos Casares Mouriño, autor orixinario de Xinzo de Limia, ao cal este ano se lle dedicou este día tan sinalado. Esperamos que o desfrutedes.
Non vos podedes perder este PowerPoint sobre a charla que se celebrou en Lalín dentro dunhas xornadas de AACC para o profesorado.Fai clic na imaxe para descargala.
Chegou o día! xa podedes ver online o programa do "Xornal Escolar" de Telemiño, emitido o 13 de maio, no que participou o alumnado de AACC do noso centro. Non o podes perder!
