Primaria Bos días nen@s: propoñémosvos esta semana que vaiades lendo e facendo esquemas e resumos de CC.da Natureza dende as páxinas 62 ata a 65. Pertencen ao Tema 4. Facede tamén os exercicios desas mesmas páxinas do libro. Hai vídeos á vosa disposición en Internet para repasar temas de Sociais e Naturais nas canles de Youtube La Eduteca e Happy Learning sobre os temas estudados. Repasade o tema de Ciencias Sociais A hidrografía. A proposta de Matemáticas é ir lendo amodiño as páxinas 96-97-98 e 99 do Tema Os decimais. Xa veredes como o entendedes. A ver se vos acordades do ano pasado. Ánimo e facede tamén os exercicios. Son poucos. Recordade facer algunha conta de dividir por dúas e tres cifras. Non vos esquezades de ler moito todos os días e facer algún resumo dos libros que ledes. Podedes elaborar unha noticia sobre a pandemia do Coronavirus cun titular e respondendo ás preguntas Que? Quen? Como? Onde? Cando? Repasade os verbos Cantar Temer e Partir. Escribide algún conto, historia ou anécdota… en castelán ou en galego. Ademais, facede os exercicios que inclúo a continuación. Ata pronto!Tarefas 4o Primaria