Ola a tod@s!
O pasado martes 29 de novembro as nenas e nenos de 2º, 3º, 4º, 5º e 6º do cole tiveron campo a través. Trátase dunha modalidade de atletismo que consiste principalmente en recorrer distancias campo a través, é dicir, en circuitos naturais non-urbanos.
A actividade está enmarcada dentro da campaña de actividade lúdico deportiva XOGADE (xogos galegos deportivos en idade escolar), e trátase dunha iniciativa promocionada e financiada pola Xunta de Galicia co obxectivo de fomentar e extender o deporte educativo e saudable a toda a sociedade dende as idades máis temperás, e tivo lugar no circuito A Veronza/Complexo deportivo municipal O Xestal, en Ribadavia, cunha participal total de 298 nenos e nenas de diferentes centros da comarca.
Conseguimos 3 medallas nas diferentes categorías, pero o máis importante foi o que desfrutamos convivindo e facendo deporte no medio natural.
Aquí vos deixamos algunhas imaxes da xornada.
Seguimos!