«Eloísa Rivadulla»

IMPORTANTE:

A reserva de praza, segundo a normativa vixente, en Chantada só se pode facer para o INSTITUTO «IES LAMA DAS QUENDAS» e ten que presentarse vía electrónica ou no colexio, nunca no instituto.

Os alumnos do noso centro, por tanto, SÓ PODERÁN SOLICITAR RESERVA DE PRAZA para o I.E.S. "Lama das Quendas", porque é o centro onde oficialmente estamos adscritos. Os que queiran seguir os estudos de E.S.O. no I.E.S. "Val do Asma" terán que agardar que se abra o prazo para ADMISIÓN DE ALUMNADO (1-20 de marzo).

Os centros de primaria NON PODEN FACER RESERVA DE PRAZA nin para alumnos que se vaian incorporar a Educación Infantil nin para a Educación Primaria (salvo que tiveran centros adscritos, que non é o caso dos de Chantada). Estes alumnos deberán agardar que se abra o prazo para ADMISIÓN DE ALUMNADO. Os que xa están cursando os estudos no centro este ano non teñen que solicitar nin reserva nin admisión.

As familias poderán cumprimentar as solicitudes de reserva de xeito manual empregando o formulario en papel ou a través da aplicación admisionalumnado no menú:

Solicitudes > Reserva > Crear

Esta solicitude deberase presentar no centro educativo de orixe ou en calquera dos
lugares que establece a Lei 39/2015, do 1 de outubro, do Procedemento Administrativo
Común, incluída a Sede Electrónica da Xunta de Galicia (https://sede.xunta.gal/detalle-
procedemento?codtram=ED550A), para o que se precisará de Chave365 ou certificado
dixital, sendo esta a canle preferible de presentación.
O comportamento da aplicación depende de se a solicitude se cobre estando identificado ou non.

1. Usuarios sen identificar
Unha vez introducidos todos os datos, deberá premer no botón Crear aparecendo a seguinte mensaxe para poder descargar a solicitude e o anexo I Bis que deberá presentar no centro. Tamén poderá imprimir o xustificante co código da solicitude.

2. Usuarios identificados
Unha vez gravada a solicitude na aplicación, aparecerán as opcións para presentar e asinar a solicitude na sede electrónica ou para descargar o informe (solicitude), imprimilo e presentalo no centro educativo.

Os usuarios do comedor escolar que teñan que aboar taxas por utilización do mesmo están habilitados para facelo desde a plataforma ESPAZO ABALAR. Neste ENLACE poden ver as instruccións para facelo.

Os usuarios que non o fagan por este medio deberán solicitar os impresos no centro educativo.

Comunícase ás familias do alumnado que o prazo para facer modificacións nas opcións de matrícula do alumnado remata o vindeiro día 8 de setembro.

Asemade infórmase que no taboleiro interior do centro están publicadas as listaxes do alumnado por cursos e grupos.