AXUDAS PARA A ADQUISICIÓN DE MATERIAL ESCOLAR

Aberto do 20 de maio ata o 19 de xuño

Prégase SOLICITAR CITA PREVIA para a tramitación das solicitudes a través do teléfono 886 151 901.

Para PRESENTAR UNHA SOLICITUDE deberá entrar na aplicación Fondolibros e seguir os pasos descritos no manual de usuario para os cidadáns:

 1. Acceder a fondolibros con usuario de Chave 365, para elo deberá premer na icona verde que se atopa arriba á dereita .

2. Unha vez identificado o usuario accederá á pantalla para a creación de novas solicitudes a través da opción de menú “Cidadán”. Nesta pantalla mostrarase tamén a lista das súas solicitudes de existir e o botón para “crear unha nova solicitude”.

3. Unha vez cuberto o formulario da solicitude poderá optar por:

• Imprimir o formulario e achegalo ao centro (presentación en papel no centro).
• Unha vez cuberto o formulario e gardado correctamente co botón “Gardar”, premer  no botón “Presentación en papel no centro >aceptar” e achegalo ao centro.
• Se dispón de chave 365 ou certificado dixital, presentalo na Sede Electrónica a través da aplicación (presentación telemática).

Nembargantes para quen o queira cubrir a man pode descárgalo  (Anexo I e Anexo II) e cubrilo de xeito manual.

 CÁLCULO DA RENDA: como calcular a renda per cápita da unidade familiar.

 ACLARACIÓNS:

 - A solicitude será única para todos os fillos e, de ser o caso, tutelados que estean admitidos no mesmo centro docente para o curso 2020/21. No caso de que a solicitude se tramite por vía electrónica empregando a aplicación Fondolibros, será necesaria a presentación dunha solicitude por cada alumno/a.

 - Cando o alumnado, no momento de presentar a solicitude, aínda non estea admitido en ningún centro docente para o curso 2020/21, deberá presentala no centro en que estivese matriculado no curso 2019/20. Este centro rexistrará a solicitude de maneira que acredite a súa entrada en prazo e enviaraa ao centro de destino en que o alumno resulte admitido, que será o encargado da súa gravación e tramitación.

 - A solicitude deberá estar asinada polo pai, nai, titor/a ou representante legal do alumnado.

DOCUMENTACIÓN para a presentación.

Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2020/21 (código de procedemento ED330B).

 Aberto do 11 ao 18 de maio

A partir do luns 11 de 09.00 a 14.00 horas

Prégase SOLICITAR CITA PREVIA para a tramitación das solicitudes a través do teléfono 886 151 901.

Restablecerase o prazo para a presentación das solicitudes de admisión de alumnado en centros docentes sostidos con fondos públicos, polo tempo que restaba cando se declarou o estado de alarma, de xeito que se iniciará o día 11 de maio de 2020 e rematará o día 18 do mesmo mes.

1. Cubrir a solicitude informáticamente e presentala asinada de xeito manual no centro:
   
   Para presentar a solicitude presencialmente no centro deberá entrara seleccionar a opción de menú “Solicitudes--> Admisión --> Crear”. Deseguido aparecerá unha pantalla con lapelas na que deberá cubrir os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e poderá descargala para asinar e presentar no centro.

    

2. Cubrir a solicitude informáticamente e asinala en Sede Electrónica:
   Para presentar a solicitude a través da Sede Electrónica deberá acceder a admisionalumnado con usuario de Chave 365 ou con certificado dixital, para elo deberá premer na icona verde que se atopa arriba a dereita . Posteriormente deberá seleccionar a opción de menú “Solicitudes--> Admisión --> Crear”. Deseguido aparecerá unha pantalla con lapelas na que ten que indicar os datos necesarios, tales como datos persoais e de contacto, os datos académicos e os criterios alegados e autorizacións. Despois de cubrir a información descrita, accederase á lapela “Confirmar solicitude”. Nesta lapela poderá confirmar os datos que indicou premendo no botón “Confirmar” e posteriormente premendo no botón "Firmar e presentar en Sede Electrónica", poderá firmar a solicitude dixitalmente, quedando como presentada no centro, sempre que o proceso de firma remate correctamente.

   IMPORTANTE: Debe achegar, na Sede Electrónica da Xunta de Galicia o anexo I bis dixitalizado (COMPROBACIÓN DE DATOS DOS MEMBROS COMPUTABLES DA UNIDADE FAMILIAR, ultima páxina da solicitude que pode visualiar e descargar nesta aplicación).
   
   Debe achegar escaneada toda a documentación pertinente á hora de presentar solicitude.
    

3. Cubrir a solicitude manualmente e presentala asinada presencialmente no centro:
   
   Se non desexa cubrir a solicitude dixitalmente pode facelo de xeito manual descargando dende os seguintes enlaces os documentos, cubrilos e presentalos firmados no centro.

Ligazón á sede electrónica