Facíanos ilusión transplantar esta árbore que tan ben coñecemos todos e todas o pasado 30 de Xaneiro, día da Paz pero por mor da choiva insistente que nos acompaña dende fai uns días non puido ser. Por iso ontes, 5 de Febreiro, primeiro día no que o ceo nos da unha tregua aproveitamos para transplantalo todos xuntos. Cantamos arredor del e o decoramos con pombas cargadas de bos desexos.

Como xa ven sendo unha tradición, na nosa biblioteca fixemos unha exposición de libros polo día da Paz. Podédela atopar no corredor e coller emprestados os libros que queirades dela a partires do 30 de xaneiro. Como novidade ese ano  pedímoslles ás rapazas e aos rapaces que decoraran un gran corazón de cartolina cun desexo de paz. Aquí tedes o resultado!!!