Inicio

Dinamización biblioteca

NOVEMBRO, MES DA CIENCIA EN GALEGO NAS BIBLIOTECAS 2021

 

 

 

     

     Un curso máis, dende a biblioteca do cole queremos animarvos a investigar, a ler, a crear, a experimentar.

     "...E temos a sorte de que esta viaxe se poida facer dende as bibliotecas, que non só acollen libros e outros materiais, senón que tamén acollen descubrimentos e camiños de aprendizaxe, cos éxitos e tamén os fracasos da ciencia e da tecnoloxía, porque cometer erros, tamén é aprender".Do texto A felicidade de aprender de Amparo Alonso Betanzos

Este ano gustarianos retomar as exposicións de experimentos que realicedes nas aulas coas titoras e titores ou que traiades feitas da casa. Iso si, acompañadas do nome e unha pequena explicación sobre o que ocorre.

 Animádevos a disfrutar con estas actividades e a aprender con todos os libros que podedes atopar nas bibliotecas ou nas librerías.

Aquí vos deixamos uns links onde poderedes observar as distintas densidades dalgúns líquidos, os resultados de mezclar diferentes substancias... Preme nos seguintes:

Xogos científicos

Ciencia divertida

Ciencia en galego

 

 

 

 

LECTURAS

 

       

       Para conmemorar o Día das escritoras, o alumnado de 2º de primaria realizou a lectura duns textos dalgúns libros escritos en galego e castelán por diferentes autoras. 

       Estivemos na biblioteca para gravalos e isto foi o que saíu. 

Esperamos que vos guste!!

video

 

 

 

DÍA DAS BIBLIOTECAS

BIBLIOTECAS: LER, APRENDER, DESCUBRIR

 

      Cada 24 de outubro se celebra o Día das Bibliotecas e a partir do ano 2019, acordase incorporar o lema "Aptas para todos os públicos" que estará presente en todas as actividades que se leven a cabo. Dende ese momento ademais, a celebración terá un fío condutor que será diferente cada ano. 

Nesta ocasión o lema "Bibliotecas: Ler, aprender, descubrir" destaca o papel das mesmas para acceder á cultura e ao coñecemento a partir da lectura e doutros recursos que permiten descubrir outras ideas, persoas, culturas, outros mundos...

As bibliotecas son coma fiestras abertas á lectura. Espazos que fomentan a aprendizaxe de xeito individual ou en grupo. Lugares de descubrimento do descoñecido.

    Sabedes cantos tipos de bibliotecas hai? Na nosa contorna temos a biblioteca municipal (do concello) e a biblioteca escolar (dentro do cole) pero sabías que tamén hai bibliotecas universitarias, especializadas en distintos ámbitos de investigación, biblioteca nacional, bibliotecas para cegos (onde os libros están escritos co sistema braille)...

    Dende a nosa pequena biblioteca convidámosvos a entrar sempre en calquera biblioteca e a descubrir e  aprender lendo.

    A ilustradora extremeña Mayte Alvarado foi a encargada da elaboración do cartaz deste ano.

    

Utiliza a etiqueta   #DíaDasBibliotecas   #LerAprenderDescubrir    para axudar a difundirlo!!

     

 

 

 

18 DE OUTUBRO

 DÍA DAS ESCRITORAS

 

 

O Día das Escritoras é unha iniciativa promovida pola Biblioteca Nacional de España en colaboración coa  Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.
 
Como en edicións anteriores, a data elexida é o luns máis cercano á festividade de Teresa de Jesús, o 15 de outubro. A VI Edición celébrase este ano 2021  o 18 de outubro baixo o lema "Ler as idades da vida". Marifé Santiago Bolaños, é a comisaria esta VI Edición do Día das Escritoras 2021. "Os libros escríbense só para unha lectora, a que os fai estar de novo cando os le. Por iso, a escritura vai dando conta das idades da vida e permítenos elixirnos, recuperarnos e soñarnos entre as páxinas dos libros. Dos libros que lemos, dos que leremos. Dos que se escribiron para nós, aínda que non os atoparamos aínda."
Dende o equipo da Biblioteca do cole, en colaboración coa Comisión de Igualdade e o equipo de Dinamización da Lingua Galega, traballaremos para visibilizar a obra das escritoras en xeral e das escritoras galegas en particular, mediante actividades de lectura de fragmentos das obras dalgunha escritora, exposicións de libros, cartaces, debuxos... ou a través de actividades de investigación, comparativas, creación..
 
Animamos a toda a comunidade educativa a participar e a compartir a etiqueta    #DíaDasEscritoras 
 
  
"Vou ser vella. De nena quédame pouco. Oínllelo decir ás miñas tías: “¡Como pasa o tempo! Nunvisto e non visto, agora a nena logo se ha facer muller. ¿Que lle poden quedar? ¿Un ano, ou dous?E parece que foi onte cando naceu, coma se fose onte...”
Si. É terrible.
Converterse en muller é converterse en adulto. Certamente recoñezo que non teño présaningunha. Ademais, paréceme bastante perigoso ser adulto."
 
Xela Arias "Non te amola!" (Editorial Galaxia) 

 

Recomendacións lectoras verán 2021

 

NON TE LIBRES DOS LIBROS, TAMPOUCO NO VERÁN!!!

 

 

Mouchiñas e mouchiños!! Rematou o curso!!! Agora toca descansar, estar coa nosa xente, ir á praia, ou ao monte, descansar, recargarnos de enerxía... Pero sobre todo, toca LER!!!

Ler permítenos viaxar, voar, vivir aventuras extraordinarias. Disfrutade do verán e das lecturas. Aquí vos deixamos algunhas recomendacións pero hai moitas máis!!

Preme na imaxe para ver o tríptico completo.

   

Día Internaciónal do Orgullo LGTBI

 

 

          O Día do Orgullo Gay celébrase en todo o mundo para promover a tolerancia, a igualdade de dereitos ante a lei, a non discriminación e a dignidade das persoas LGTB.

          Escolleuse o 28 de xuño porque nesa data conmemóranse os disturbios de Stonewall (Nova Iorque, EEUU) en 1969 que marcan o inicio do movemento de liberación homosexual.

          A marcha do orgullo máis importante en Europa é a de Madrid (MADO), no barrio de Chueca, con máis dun millón de asistentes cada ano. No continente americano destaca a marcha de São Paulo así como a de Toronto, San Francisco e Cidade de México.

          A bandeira coas cores do arco da vella é un dos símbolos máis recoñecidos do colectivo LGTBI para defender os seus dereitos. Dende principios dos anos 70 do século pasado, constituiuse como elemento para denunciar a discriminación por identidade ou orientación sexual.

          A primeira bandeira tiña oito cores (agora ten seis) e está inspirada na canción "Over the rainbow", de Judy Garland. As súas cores pretenden representar a diversidade existente no colectivo LGTBI. As cores orixinais eran rosa, vermello, laranxa, amarelo, verde, turquesa, añil e violeta. Pouco despois suprimironse o rosa e o turquesa pola dificultade de produción nas fábricas da época.

          Cada cor ten un significado: vermello, vida; laranxa, saúde; amarelo, luz do sol; verde, natureza; azul, serenidade; violeta, espírito.

          Na semana do 14 ao 18 de xuño conmemoramos o Día do Orgullo no centro. Colocamos no pulso cintas coas cores da bandeira, decoramos o centro con banderíns, lemos contos de temática LGTB, visualizamos videos e curtametraxes, falamos do significado das cores...

 

Día Mundial do Libro e dos Dereitos de Autor


O 23 de abril escolleuse como Dia Internacional do Libro xa que coincide co pasamento de Miguel de Cervantes, William Shakespeare e Inca Garcilaso de la Vega, os tres no ano 1616.

En 2001, por iniciativa da UNESCO nomeouse a Madrid, capital mundial do libro. Dende entón, cada 23 de abril un comité de selección escolle diferentes cidades que realizan durante o ano distintas actividades culturais relacionadas co libro.

Este ano, 2021, a cidade elixida é Tiflis (Georgia) e o seu programa céntrase no uso de tecnoloxías modernas como ferramentas poderosas para promover a lectura entre os máis novos.

O seu lema é: Ok, entón o teu próximo libro é...?

O obxectivo principal da cidade é popularizar a lectura e aumentar a accesibilidade aos libros para toda a sociedade.

O Día do Libro é un motivo para celebrar a importancia da lectura, fomentar o crecemento dos nenos e nenas como lectores e promover o amor pola literatura.

     "Se non che gusta ler é porque aínda non deches co libro axeitado"  J.K. Rowling

 

Día Mundial de Concienciación sobre o Autismo

O 2 de abril celébrase o Día Mundial de Concienciación sobre o Autismo, decretado polas Nacións Unidas co obxectivo de mellorar a calidade de vida tanto da poboación infantil como dos adultos que sufren esta discapacidade e así poderlles brindar unha mellor calidade de vida.

A campaña de 2020 e que continúa neste 2021, céntrase no lema "Podo aprender, podo traballar". Reivindícase un esforzo por parte de autoridades e sociedade á hora de facilitar o acceso a unha educación de calidade para que as persoas con autismo poidan optar a un traballo remunerado e ser o máis autónomos e independentes posible.

 

Para isto precisamos de un cambio de mentalidade na sociedade para apoiar as necesidades, capacidades e prioridades das persoas con TEA, crear e manter os servicios de apoio precisos e promover a accesibilidade do colectivo en todos os ámbitos da sociedade.

Fai un xesto polo autismo!

Preme nas seguintes ligazóns para ver os vídeos

Fai un xesto polo autismo!

 

#DíaMundialAutismo

 

 #azulízate

 

 

Día Internacional do Libro Infantil 2021

 

 

          

 

 

Dende 1967, o 2 de abril, coincidindo coa data na que naceu o escritor danés Hans Christian Andersen, o IBBY (International Board on Books for Young people) chama á celebración do Día Internacional do Libro Infantil coa fin de promocionar os bos libros infantís e xuvenís e a lectura entre os máis novos.

 

Este ano, a sección patrocinadora e a de Estados Unidos (USBBY) que difunde a mensaxe de Margarita Engle co título de "A música das palabras" ilustrado por Roger Mello. 

                                  

 Cando lemos, á nosa mente lle medran ás.

Cando escribimos, os nosos dedos cantan.

Margarita Engle

 

 

DÍA MUNDIAL DA POESÍA

 

 A UNESCO adoptou o 21 de marzo como Dia Mundial da Poesía en 1999, co obxectivo de apoiar a diversidade linguística a través da expresión poética e fomentar a visibilización daquelas linguas que se atopan en perigo.

  Este ano, a Real Academia Galega, homenaxea a Xosé Luís Franco Grande no Día da Poesía, levando a súa poesía á Rede nunha serie de minipezas audiovisuais.

   Nós tamén celebraremos este día ao longo da semana, cunha selección de libros de poetas galegos e galegas que poderedes ler e recitar e cunha serie de actividades nas aulas.

   Animádevos a ler e recitar poesía,

 

 Deixámosvos aquí un extracto dun poema de Xela Arias, poeta galega da que seguiremos aprendendo ao longo do curso, xa que é a homenaxeada das letras galegas neste ano 

...

Tódolos bebés son tu e ningún coma ti.
Tódolos nenos son tu e ningún coma ti.
          Tódolos adolescentes son tu e ningún coma ti.
Tódolos mozos son tu e ningún coma ti.
  Tódolos anciáns son tu e ningún coma ti.
                              Tódalas nais son eu e todas, coma min, saben que es único.

...

                                 Xela Arias,  "Darío a Diario"