Windows. Breve historia
Qué un Sistema Operativo?
É un programa ou conxunto de programas que xestionan os recursos do hardware e da servizos ás aplicacións (xestores de ventás, cadros de diálogo, etc)
Microsoft Windows é unha familia de sistemas operativos desenvolvidos pola multinacional informática Microsoft Corporation, que comezou a desenvolver unha interface gráfica de fiestras en setembro de 1981.
As diferentes versións de Windows foron gañando espazo no mercado con distinta fortuna, e a partir de Windows 95 convertiuse, de facto, no estándar dos sistemas operativos para PCs (ordenadores persoais).
Actualmente podemos atopar 3 versións deste sistema operativo:
- Windows XP, quizais o máis exitoso de todos, lanzado en 2001 e que está xa fóra do mercado, aínda que continúa instalado en multitude de ordenadores
- Windows Vista, probablemente unha das versións máis denostadas, entre outras cousas, por problemas de seguridade, necesidade de grandes recursos do sistema, etc.
- Windows 7 o substituto de Windows Vista corrixiu gran parte dos problemas de Vista e resultou un verdadeiro éxito de ventas.
- En breve, segundo está anunciado, producirase o lanzamento de Windows 8, que incorpora cambios radicais na interface de usuario, o que xa provoca certa controversia en foros adicados a este sistema operativo
Nos centros educativos aínda se atopan moitos equipos con Windows XP instalado, polo que neste apartado do curso imos falar deste Sistema Operativo. Con todo, o que aprendamos pode ser aplicado en Sistemas Operativos Windows máis modernos.