Título node Learning object
A Federación Down Galicia organiza o vindeiro sábado 5 de novembro “Experiencias e Metodoloxías de Educación Inclusiva”, unha xornada de aprendizaxe para profesionais docentes, de orientación e equipos directivos dos centros educativos de infantil, primaria e secundaria da Comunidade Autónoma de Galicia.
O obxectivo desta formación, homologada pola Consellería de Cultura, Educación e Ordenación Universitaria, é contribuír á mellora da sensibilización e formación dos participantes na utilización de metodoloxías inclusivas e boas prácticas como medida de atención e optimización do proceso de inclusión educativa do alumnado con maiores necesidades de apoio educativo.
Data: Sábado, 05 Novembro 2016.
Duración: 8 horas (de 09:30h a 14:30h e de 16:00h a 19:00h).
Lugar de realización: Sede de Down Galicia (local Down Compostela). Rúa Alejandro Novo González, nº 1 –baixo. 15706. Santiago de Compostela.
Nº prazas: Un máximo de 100 participantes (a cubrir por estrita orde de chegada das inscricións tendo prioridade profesorado que se atope prestando servizo en centros sostidos con fondos públicos).
Custe da matrícula: Sen custe para os participantes