Buscamos a viñeta ou “slogan” que máis impacto poida acadar entre a sociedade pontevedresa para promover o uso da bicicleta como medio de transporte na nosa cidade e que vai servir como lema deste concurso.
Como BASE do concurso, nesa viñeta terán que aparecer :
MOTIVO e TEXTO : referente a potenciar o uso da bicicleta.
O motivo poderá ser un debuxo, unha fotocopia, unha fotografía, unha interpretación gráfica ou... O texto e o motivo poderán ir integrados . Tamaño máximo en Din A 4
Entre todos os traballos entregados elixiremos o gañador/gañadora que será premiado cunha bicicleta e ademais haberá unhas camisetas para os outros finalistas dos mellores traballos que se presenten. Os traballos terán que ser presentados, a máis tardar, o día 12 de ABRIL de 2013 .
Os traballos hai que remitilos ao I.E.S. Xunqueira II co nome do alumno e centro de onde proceden antes dese día.
O fallo do concurso será o día 30 de ABRIL de 2013
A presentación no concurso implica a aceptación destas bases. O xurado poderá decidir sobre calquera eventualidade e a súa decisión será inapelable