Candidatura a distintivo de calidad "Sello Vida Saludable"

Dentro da liña de vida saudable iniciada coa implementación da materia “promoción de estilos de vida saudable” en 1º da ESO no curso 15/16, damos un paso adiante presentando a nosa candidatura ao distintivo de calidade “Sello Vida Saludable”, do Ministerio de Educación e Cultura.  Apenas unha trintena de centros o teñen solicitado a nivel Galego e esperamos que antes de que remate o curso sexamos un dos elixidos.
Presentamos un proxecto de 40 follas no que fixemos un percorrido de tódalas iniciativas levadas a cabo nestes preto de 30 anos de existencia, dende o cros solidario, o día da bicicleta e o fomento do seu uso, a impartición de materias como medio ambiente ou fogar, a distribución de froita fresca ou de outono, accións en prol da eficiencia enerxética, proxectos solidarios para o 3º mundo, hábitos saudables no día a día e un largo etcétera.
Para o vindeiro curso académico confiamos en consolidar a nosa liña de actuación coa implementación da materia de “paisaxe e sustentabilidade” no 2º da ESO, dentro das materias de libre configuración autonómica que ofrece a Consellería de Educación conforme á LOMCE.