Este ano celebramos o 50 aniversario da creación do noso instituto; en orixe, en aulas específicas femininas do IES Concepción Arenal e, a partir de xaneiro de 1967, na actual ubicación do IES Sofía Casanova. Con motivo desta conmemoración, o centro ten elaborado un programa de actividades, que comeza coa convocatoria do concurso “50 anos atrás”.
|
O resto da programación concentrarase e levarase a cabo durante a última semana do mes de maio. Será unha semana na que se irán sucedendo unha morea de actos, entre os que salientamos os seguintes:
1. Encontro de antigo alumnado e profesorado.
2. Actuación do grupo MORSE co seu concerto Negruras.
3. Representación dunha obra de teatro sobre a escritora que dá nome ao noso centro.
4. Exposición fotográfica, que recolle a historia do noso instituto.
5. Mesa redonda sobre a figura de Sofía Casanova, na que participará a profesora Charo Martínez Martínez, experta na materia, e o director do documental “A maleta de Sofía”.