Skip to Content

Novas FP

Premios a proxectos de innovación na FP. Convocatoria 2021

Novas de FP - Xov, 26/11/2020 - 11:24

Convócanse premios para o desenvolvemento de proxectos de innovación tecnolóxica ou científica e proxectos de innovación didáctica no ámbito da formación profesional en centros públicos dependentes da Consellería de Cultura, Educación e Universidade.

O prazo de presentación de solicitudes remata o día 31 de xaneiro de 2021.

Información sobre a convocatoria:

email:  fpinnova@edu.xunta.gal

Tlf: 881996523

Categorías: Novas FP

Proxectos de formación para o profesorado de FP 2020-2021. Resolución provisional

Novas de FP - Mér, 25/11/2020 - 14:30

Publicada a resolución provisional de proxectos de formación presentados á convocatoria do 14 de outubro do 2020, da Secretaría Xeral de Educación e Formación Profesional, de proxectos de formación profesional que se van a implantar no curso 2020-2021 en centros públicos dependentes da Consellería de Cultura, Educación e Universidade.

Prazo de presentación de reclamacións: ata o 30 de novembro de 2020.

Categorías: Novas FP

Eduemprende Idea 2020. Resolución de concesión de premios

Novas de FP - Mar, 24/11/2020 - 13:30

Publicada a Resolución do 17 de novembro de 2020 pola que se dá publicidade da resolución de concesión do concurso Eduemprende Idea 2020, dirixido ao alumnado das ensinanzas de formación profesional, deportivas ou de artes plásticas e deseño da Comunidade Autónoma de Galicia sostidas con fondos públicos (DOG do 24 de novembro de 2020), convocado pola Resolución do 20 de maio de 2020 (DOG do 2 de xuño de 2020).

Comprende dúas modalidades:

  • Modalidade A: ciclos formativos de grao superior
  • Modalidade B: ciclos formativos de grao medio

- Listaxe de premiados no concuros eduemprende Idea 2020

- Resolución do 17 de novembro de 2020

- Máis información sobre Eduemprende Idea

Categorías: Novas FP

Proxectos de formación. Resolución de avaliación. Curso 2019-2020

Novas de FP - Lun, 23/11/2020 - 13:20

Publicada a Resolución de avaliación da comisión de selección de proxectos de formación para profesorado de Formación Profesional correspondente á convocatoria do curso 2019-2020.

Categorías: Novas FP

Instrucións para o desenvolvemento da formación en empresas na situación derivada da COVID-19

Novas de FP - Xov, 19/11/2020 - 12:22

Xúntase a Resolución do 13 de novembro de 2020 da Secretaría Xeral de Educación e Formación Profesional pola que se ditan instrucións para o desenvolvemento do período de formación en empresas nas ensinanzas de formación profesional, ensinanzas artísticas e ensinanzas deportivas, na situación excepcional actual de pandemia derivada da COVID-19.

Categorías: Novas FP

FP: Lidera a prevención. Convocatoria de traballos

Novas de FP - Ven, 13/11/2020 - 14:06

A Axencia Europea para a Seguridade e a Saúde no Traballo (EU-OSHA) pon en marcha o proxecto OSH VET para integrar a prevención na Formación Profesional. Este proxecto quere contribuír a que o alumnado que se atopa desenvolvendo os estudos de formación profesional, máis próximos á realidade do mercado de traballo, poida consolidar unha verdadeira cultura preventiva que contribúa ao seu desempeño profesional seguro.

No marco da Semana Europea da Formación Profesional, do 9-13 novembro de 2020, a EU-OSHA, a través do Instituto Nacional de Seguridade e Saúde no Traballo (INSST), convida a todos os centros de formación profesional a participar na I Xornada "FP: lidera a prevención!" que pretende mostrar contido audiovisual preventivo realizado por e para o alumnado de FP.

Os traballos teñen que ser enviados antes do 10 de decembro, a través do formulario.

Categorías: Novas FP

Resolución pola que se convocan os programas Eduemprende 2020-2021

Novas de FP - Lun, 09/11/2020 - 12:04

Publicada Resolución do 6 de novembro de 2020, da Secretaría Xeral de Educación e Formación Profesional, pola que se regula a convocatoria dos programas enmarcados no Plan de Emprendemento no Sistema Educativo de Galicia, Eduemprende, e se establecen as bases para a participación dos centros educativos sostidos con fondos públicos dependentes da Consellería de Cultura, Educación e Universidade durante o curso 2020/2021.

Categorías: Novas FP

Carnés profesionais. Información sobre o desprazamento para realizar as probas

Novas de FP - Lun, 09/11/2020 - 10:59

As probas para a obtención de carnés e habilitacións profesionais na convocatoria 2020 para as especialidades de Gas A, B e C terán lugar no CIFP Politécnico de Santiago de Compostela os días 11 e 12 do mes de novembro.

O Decreto 179/2020, do 4 de novembro, no seu artigo 1 limita as entradas e saídas de persoas en ámbitos territoriais de determinados concellos de Galicia e no punto 3.i do citado artigo 1 establece como excepción a realización de exames ou probas inaprazables. En virtude do establecido no decreto, as persoas convocadas para a realización destas probas poderán desprazarse desde o seu lugar de residencia. Coa finalidade de facilitar, en caso de que fose necesario, as labores de inspección ás autoridades pertinentes as persoas convocadas deberán levar consigo:

  • Resgardo da solicitude de inscrición.
  • Copia da listaxe definitiva de admitidos e excluídos.
  • Copia do calendario de realización das probas.

Para resolver calquera dúbida poden poñerse en contacto co correo electrónico habilitacions.profesionais@edu.xunta.gal ou no teléfono 881 99 65 29.

Categorías: Novas FP

Programa de formación e inserción laboral BeSeat

Novas de FP - Lun, 09/11/2020 - 09:28

O programa de formación e inserción laboral BeSeat está dirixido ao alumnado do ciclo superior de Automoción e ten por obxectivo mellorar as condición de empregabilidade deste alumnado a través da formación complementaria e prácticas laborais específicas no servizo autorizado Seat.

A fase de inscrición estará habilitada ata o 31 de decembro e o alumnado interesado deberá inscribirse a través da páxina web https://beseat.es.

Categorías: Novas FP

II Liga Nacional de Retos no Ciberespazo. Prazo de inscrición aberto

Novas de FP - Lun, 02/11/2020 - 08:15

A II Liga Nacional de retos no Ciberespazo é unha cibercompetición organizada pola Garda Civil na que os estudantes se dan cita para enfrontarse a un ciber-reto, que reproduce un incidente informático semellante ao que nun momento dado podería sufrir unha gran empresa ou organismo público.

Poden participar todos aqueles estudantes, de entre 18 e 26 anos, matriculados no curso 2020-2021 nun ciclo formativo de grao superior ou que o estivesen no 2018-2019 e 2019-2020.

O prazo de inscrición remata o 2 de novembro ás 23:59 horas.

Categorías: Novas FP

Selección de estadías formativas 2020. Resolución de avaliación

Novas de FP - Xov, 22/10/2020 - 12:43

Publicada a Resolución de avaliación da comisión de selección de estadías formativas en empresas ou institucións para o ano 2020 destinadas ao funcionariado docente non universitario.

Categorías: Novas FP

Axudas FCT

Novas de FP - Mar, 20/10/2020 - 08:14

Publicada a Orde do 9 de outubro de 2020 pola que se fai pública a resolución das axudas económicas para o alumnado que realiza formación práctica en centros de traballo ou FP dual, convocadas pola Orde do 2 de xuño de 2020.

Categorías: Novas FP

Proxectos de formación para o profesorado de FP. 2020-2021

Novas de FP - Mér, 14/10/2020 - 09:37

Publicada a convocatoria de proxectos de formación do profesorado de formación profesional que se van implantar no curso 2020-2021 en centros públicos dependentes da Consellería de Cultura, Educación e Universidade.

Cada proxecto deberá contar cun coordinador ou cunha coordinadora e poderá incorporar profesorado de diferentes centros que compartan a súa necesidade de formación, coa finalidade de acadar o óptimo aproveitamento dos recursos.

Categorías: Novas FP

Programa Rescatadores de talento. Convocatoria aberta

Novas de FP - Mar, 13/10/2020 - 11:04

Rescatadores de talento é un programa da Fundación Princesa de Girona (FPdGi) que promove a empregabilidade dos mozos e mozas de entre vinte e trinta anos con formación universitaria ou de ciclos superior de FP.

O programa ofrece formación, mentoring e centros de desenvolvemento profesional. No caso de que o candidato/a sexa a primeira xeración da súa familia con estudos superiores, terá preferencia fronte a outros candidatos. Ademais, foméntase a súa mobilidade laboral e formativa por diferentes comunidades cunha axuda económica.

Poden incorporarse ao programa todos os mozos/as de entre vinte e trinta anos legalmente autorizados para traballar en España, tanto se están a buscar o seu primeiro emprego coma se se atopan en paro ou subempregados. Deben contar con formación universitaria ou de ciclo superior de formación profesional finalizada no últimos cinco anos, ou estar a estudar o último curso.

Rescatadores pon a disposición dos mozos e mozas vantaxes especiais para que poidan seguir formándose na súa área de especialidade. Directivos e equipos de RR.HH. de empresas de referencia no desenvolvemento do talento novo acompañaranlles nesta aventura que ofrece moitas ferramentas para fomentar a súa empregabilidade.

Categorías: Novas FP

Campionato Galego de Formación Profesional GaliciaSkills 2020. Novo prazo de inscrición

Novas de FP - Xov, 01/10/2020 - 11:34

A Consellería de Cultura, Educación e Universidade traslada a celebración do 6º Campionato Galego de Formación Profesional, Galiciaskills 2020, ao primeiro semestre do 2021.

Ábrese un novo prazo de inscrición para aqueles centros interesados que non remitiran con anterioridade a súa solicitude.

Esta deberá remitirse, antes do día 15 de novembro de 2020, ao seguinte enderezo de correo electrónico galiciaskills@edu.xunta.gal.

Categorías: Novas FP

Premios Fundación Princesa de Girona 2021. Convocatoria aberta ata o 30 de outubro

Novas de FP - Xov, 01/10/2020 - 09:44

Presenta a túa candidatura antes do 30 de outubro. No caso do Premio Internacional, o período alongarase ata o 30 de novembro.

A FPdGi convoca anualmente os Premios Fundación Princesa de Girona coa vontade de promover e fomentar a iniciativa e o esforzo, a investigación científica e a creatividade artística, a solidariedade e o desenvolvemento do talento de mozos emprendedores e innovadores que demostran inquietude por construír un mundo máis xusto nunha contorna globalizada, e que teñen a capacidade de asumir riscos e a motivación necesaria para inducir cambios na sociedade.

Os premios ao detalle:

Premio Fundación Princesa de Girona Social (consulta as bases e presenta a túa candidatura): Dirixido a premiar a mozos que, polo seu liderado e compromiso persoal, lograsen éxitos na creación e o impulso de proxectos sociais con visións novas e logros tanxibles, no marco de entidades ou empresas sociais.

Premio Fundación Princesa de Girona Investigación Científica (consulta as bases e presenta a túa candidatura): Dirixido a premiar a mozos científicos (incluíndo as ciencias humanas e sociais) con proxectos ou experiencias de investigación destacadas na súa disciplina, emprendedoras, innovadoras e cun elevado potencial de desenvolvemento futuro.

Premio Fundación Princesa de Girona Artes e Letras (consulta as bases e presenta a túa candidatura): Dirixido a premiar a mozos cun talento e unha obra prometedora en calquera disciplina das artes e as letras, e que sirva de exemplo e inspiración para outros mozos.

Premio Fundación Princesa de Girona Empresa (consulta as bases e presenta a túa candidatura): Dirixido a premiar a mozos con iniciativa emprendedora na execución dun proxecto orixinal e viable de empresa.

Premio Fundación Princesa de Girona Internacional (consulta as bases e presenta a túa candidatura): Este premio quere recoñecer a traxectoria profesional de mozas de calquera parte do mundo que destacan polo seu traballo, os seus méritos e o seu exemplaridade. A diferenza do resto de categorías dos Premios FPdGi, o Premio Internacional outorgarase por nomeamento.

Categorías: Novas FP

Carnés profesionais. Listaxes da primeira e da segunda convocatoria 2020

Novas de FP - Ven, 18/09/2020 - 14:28

Carnés e habilitacións profesionais 2020. Publicadas listaxes correspondentes a:

  • Persoas admitidas e excluídas 2ª convocatoria.
  • Persoas convocadas para a realización da proba de Operador industrial de caldeiras 1ª e 2ª convocatorias.
  • Persoas convocadas para realizar a segunda parte da proba de guindastre móbil 1ª e 2ª convocatorias.
  • Material de consulta para a realización das probas correspondentes á 1ª e 2ª convocatorias.
  • Datas de realización das probas correspondentes á 1ª e 2ª convocatorias.

Máis información

Categorías: Novas FP

Admisión a ciclos formativos. 2ª adxudicación extraordinaria. Curso 2020-2021

Novas de FP - Ven, 18/09/2020 - 08:39

Publicación das listaxes da convocatoria extraordinaria de persoas con praza adxudicada nos ciclos formativos de formación profesional, no réxime ordinario e no réxime para as persoas adultas.

As listaxes garanten a confidencialidade dos datos persoais, por iso cada persoa está identificada cun código persoal de consulta (CPC). O CPC é un código alfanumérico único para cada persoa que participa no proceso de admisión de FP. Para consultar a situación persoal nas listaxes poderase obter o CPC da aplicación informática ciclosadmision.

Réxime ordinario

prazo de matricula ou renuncia do alumnado admitido en cada ciclo formativo abrangue desde o venres 18 de setembro ata as 13:00 horas do martes 22 de setembro de 2020. A matrícula deberase realizar no centro educativo da praza adxudicada. Tamén se poderá solicitar matrícula na praza adxudicada vía web, pódense consultar as instrucións para este procedemento no menú "Servizos en liña" de "Ven a FP".

A renuncia, a unha praza adxudicada para permanecer en listaxe de espera doutras de mellor preferencia, poderase presentar en calquera centro de Galicia con oferta sostida con fondos públicos de ciclos formativos de Formación Profesional. Tamén se poderá renunciar á praza adxudicada vía web, pódense consultar as instrucións para este procedemento no menú "Servizos en liña" de "Ven a FP".

Para realizar presencialmente a matrícula ou a renuncia nunha praza adxudicada do réxime ordinario empregarase o seguinte modelo:

 - Modelo de documento en formato PDF

  • Listaxes de persoas con praza adxudicada

Listaxe de persoas con praza adxudicada nos ciclos formativos de grao medio
Listaxe de persoas con praza adxudicada nos ciclos formativos de grao superior

  • Listaxes de espera

- Listaxe de espera aos ciclos formativos de grao medio
- Listaxe de espera aos ciclos formativos de grao superior

(As listaxes de espera do réxime ordinario só están activas durante o período de matriculación da adxudicación)

Réxime para as persoas adultas

prazo de matrícula do alumnado admitido nos módulos profesionais dun ciclo formativo abrangue desde o venres 18 de setembro ata as 13:00 horas do martes 22 de setembro de 2020. A matrícula deberase realizar no centro educativo da praza adxudicada.

Para realizar presencialmente a matrícula en módulos adxudicados do réxime para as persoas adultas empregarase o seguinte modelo:

 - Modelo de documento en formato PDF

Para as persoas con praza adxudicada no réxime para as persoas adultas, tanto na modalidade a distancia como na modalidade presencial, poderase facer reserva de matrícula vía web. Pódense consultar as instrucións para este procedemento no menú "Servizos en liña" de "Ven a FP".

No réxime para as persoas adultas, non é necesario presentar renuncia naqueles módulos profesionais nos que se teña praza adxudicada e non se desexe matricular.

 

Modalidade presencial

  • Listaxes de persoas con praza adxudicada e en listaxe de espera

Listaxe nos módulos de grao medio
Listaxe nos módulos de grao superior

   

Modalidade distancia

  • Listaxes de persoas con praza adxudicada e en listaxe de espera

Listaxe nos módulos de grao medio
Listaxe nos módulos de grao superior

Data:  Ven, 18/09/2020 - 9:34am - Mér, 18/09/2030 - 9:34am
Categorías: Novas FP

Admisión. Ciclos e módulos formativos con prazas vacantes

Novas de FP - Ven, 18/09/2020 - 01:22

Ábrese o prazo de matrícula en ciclos e módulos de formación profesional con prazas vacantes desde o día 21 ás 9:00 horas ata o día 2 de outubro ás 13:00 horas.

Para matricularse nun ciclo con prazas libres a única condición é cumprir os requisitos de acceso para as ensinanzas correspondentes.

As persoas interesadas deberán formalizar a matrícula no centro educativo no que o ciclo formativo teña prazas vacantes. A matrícula realizarase por orde de chegada.

Para solicitar a matrícula en ciclos do réxime ordinario con prazas liberadas empregarase o anexo I.

Para solicitar a matrícula en módulos do réxime para as persoas adultas con prazas liberadas empregarase o anexo II.

A matrícula en calquera ciclo con prazas vacantes implica a renuncia a continuar no proceso de admisión e polo tanto a participar nas seguintes adxudicacións de prazas.

 

Réxime ordinario

 

Réxime para as persoas adultas

Modalidade presencial

  
Modalidade distancia

Categorías: Novas FP

Admisión a ciclos formativos. Listaxes definitivas de solicitantes. Convocatoria extraordinaria 2020-2021

Novas de FP - Xov, 17/09/2020 - 21:10

Publicación das listaxes definitivas de solicitantes do período extraordinario de admisión a ciclos formativos de formación profesional en réxime ordinario e no réxime para as persoas adultas en modalidade presencial e modalidade distancia.

As listaxes garanten a confidencialidade dos datos persoais por iso cada persoa está identificada cun código persoal de consulta (CPC). O CPC é un código alfanumérico único para cada persoa que participa no proceso de admisión de FP. Para consultar a situación persoal nas listaxes poderase obter o CPC da aplicación informática ciclosadmisión.

 - Nota: As listaxes de solicitudes do proceso de admisión a ciclos formativos pola cota reservada para persoas con discapacidade, legalmente recoñecida, están dispoñibles para a consulta nas secretarías dos centros de inscrición.

Réxime ordinario

  
Réxime para as persoas adultas

Modalidade presencial

  
Modalidade distancia

Data:  Xov, 17/09/2020 - 10:28pm
Categorías: Novas FP
Distribuir contido


by Dr. Radut