IES Ricardo Carvalho Calero |

RECITADO DE TIXUCA

O pasado 26 de outubro o grupo de teatro Tixuca realizou un recitado organizado pola Coordinadora de Equipas de Normalización Lingüística no centro cultural Carvalho Calero.

E como xa é habitual, conquistaron ao público coa súa arte. Gran traballo rapaces!

INICIACIÓN AO SURF

Comezando outubro, o departamento de Educación Física organizou unha actividade de iniciación ao surf para o alumnado de 4ºESO e 1º BAC.

Non tiveron que acudir moi lonxe para gozar dunhas condicións favorables nas praias da comarca.

O pasado 27 de setembro o alumnado de 2°CSE, 2°CME e 2°CMP, asistiu a un Obradoiro de Economía Social para F.P. onde lles falaron sobre formas xurídicas, características, vantaxes fiscais, subvencións, busca de financiamento, e diferentes alternativas para emprendedores.

O obxectivo era dar a coñecer a Economía Social en xeral, e as Sociedades Cooperativas e Sociedades Laborais en particular, como ferramentas para un emprego de calidade.

ACTIVIDADE COLABORATIVA: CREANDO O MURAL

A finais de setembro unha parte do alumnado de bacharelato participou na realización dun mural en colaboración co alumnado dos IES Concepción Arenal e Sofía Casanova.

Este traballo é unha continuación do proxecto do curso anterior do equipo de Normalización Lingüística.

Aquí podedes ver mais imaxes do traballo que este grupo de alumnos realizou durante a mañá.

19 OUTUBRO: DÍA DO CANCRO DE MAMA

O alumnado de micropigmentación realizou uns fantásticos bocetos de areolas para poder formar este gran lazo no mural exposto na entrada do noso centro. Conmemoramos así o día contra o cancro de mama.