Participaron cinco alumnos que presentaron estas apetitosas sobremesas:
As receitas gañadoras do primeiro premio foron as seguintes:
FLORES DE ENTROIDO
Nerea P. (3º ESO A)
Ingredientes:
(Para a elaboración)
- 3 ovos
- 300 g de fariña
- Un pouco de sal
- 4 culleradas de viño branco
- 100 g de manteiga
(Para a decoración)
- Marmelada de amorodos
- Amorodos picados en cachos pequenos
- Azucre para decorar
- Anís
(Para darlle forma)
- Calquera obxecto con un mango de madeira
- 3 circunferencias de tamaños de maior a menor
Preparación:
- Bótanse todos os ingredientes anteriores da elaboración un por un, ata obter unha masa que se poida desmontar e moldear ao noso gusto.
- Dunha vez que teñas a masa, debes deixala como mínimo 1 hora para que suba e sexa posible levar a cabo o sobremesa.
- Despois de deixala repousar, comezaremos a estendela coa axuda dun rolo , facendo así láminas finas circulares.
- Cortamos eses círculos en 8 cachos iguais e repetimos o mesmo proceso en todos os cachos.
- Dunha vez que teñamos feitos todos os círculos que poidamos, colocamos de maior a menor un enriba do outro.
- Collemos o mango de madeira e colocámolo xusto no centro das tres circunferencias. Cunha man suxeitamos o pau e coa outra imos “pegando” os 8 cachos contra o resto do mango, quedándoche así un tipo de “sombrilla” pechada.
- Quentamos unha tixola con aceite (mellor de xirasol) e, cando estea o suficientemente quente, somerxemos a flor neste ata obter unha cor dourada.
- Ao sacalos, deixamos que se escorra o aceite nun papel de cociña e collemos o anís (poñémoslle 2 pequenas gotas).
- Para rematar, collemos o azucre para decorar tortas (ou podemos facelo moendo azucre normal branco) e espolvoreamos as flores. A marmelada poñémoslla no centro da flor e enriba desta os cachiños de amorodos.
...e xa teríamos a sobremesa acabada e lista para servir!
CARETAS DE ENTROIDO
Valeria (4º ESO A)
Ingredientes:
- 100 ml de anís
- 100 g de manteiga
- Un chisco de sal
- 2 ovos
- 550 g de fariña e un sobre de levadura “Royal”
- Reladura dun limón
- 10 g de zume de limón
- Unha cullerada sopeira de azucre
- Aceite para fritir
- Azucre moído (para decorar)
Instruccións:
- Bater os ovos co azucre e o anís.
- Engadir a manteiga derretida, a reladura de limón, o zume e o sal.
- Misturar a fariña coa reladura e ir engadindo pouco a pouco a mistura anterior.
- Amasar 10 minutos ata que a masa non se pegue nos dedos, estirar anacos pequenos co rolo e darlle a forma de caretas cun coitelo.
- Fritir en abundante aceite de xirasol, escorrer en papel absorbente, atarlle unhas gomas e espolvorear co azucre moído.
E a receita gañadora do terceiro premio (o segundo quedou deserto) foi:
PAÍÑOS DE ANÍS
Laura F. (1º ESO B)
Ingredientes:
- 2 ovos
- 5 culleradas de aceite
- 6 culleradas de azucre
- 5 culleradas de anís
- 1 sobre de levadura en pó
- Reladura dun limón
- 500 g de fariña
Preparación:
- Misturamos todos os ingredientes ata facer unha masa.
- Deixámola repousar 30 minutos e procedemos a darlles forma para fritilos.
- Rematámolos espolvoreando azucre en pó.
E “pra” a barriguiña!