Ábrese o prazo para solicitar as axudas do fondo de libros e material escolar para o vindeiro curso 2023-2024. Dito prazo abrangue ata o 21/06/2023.

Formas de presentación:

- En papel de xeito presencial no centro educativo.

- Presentación na sede electrónica da Xunta de Galicia.

Información de interese (facer click no nome para consultala)

- Calendario

- Publicación no DOG

Mira aquí este vídeo da actividade.

Sara Casanova, alumna de 2º de BAC, resultou gañadora da II edición do Concurso de Videopoemas da Casa Museo Manuel-María, cunha recreación audiovisual de "Negra sombra".

No enlace superior podedes ver os dous vídeos gañadores.

Parabéns! 

O ECO DO VAL (edición maio 2017) en versión dixital

O xornal que elaborou o alumnado de 3º e 4º da ESO o curso pasado, dentro da convocatoria Escola de Prensa do diario El Progreso, xa pode consultarse na rede. Aquí tedes o enlace.

O 21 de decembro presentouse no salón de actos da Real Academia Galega o caderno que recolle a versión ilustrada do conto "Las medias rojas" de Emilia Pardo Bazán. Os debuxos que acompañan o texto foron realizados por alumnado deste centro educativo ao longo do primeiro trimestre do curso 2016-2017. Esta actividade, promovida dende a Biblioteca Escolar, materializouse grazas á colaboración do Departamento de Lingua Castelá e do Departamento de Educación Plástica e Visual, e á creatividade dos rapaces e rapazas que convertiron en imaxes o texto desta autora. Ademais de todas as persoas que participaron activamente no desenvolvemento desta proposta, onte estiveron presentes no acto de presentación Marilar Aleixandre e Xulia Santiso, en representación da RAG e a Casa-Museo Emilia Pardo Bazán, respectivamente, e unha boa parte do alumnado de BAC do IES de Quiroga. Parabéns aos autores e autora das ilustracións finalmente seleccionadas (Aarón Esteves, Paula González, Luis Emilio Núñez, Mario Quiroga e Pedro Sánchez) e ao responsable da edición e autor do debuxo da portada, Patxi Jaureguízar. Os medios locais reseñan a presentación na Casa Museo Emilia Pardo Bazán como podedes ver neste enlace.

ÚLTIMA HORA!! Tamén saímos no Telexornal noite da Televisión de Galicia do luns 8 de xaneiro!! Velaquí tedes o vídeo da nova. Se non tedes un exemplar do caderno coa versión ilustrada de Las medias rojas (é unha edición limitada), podedes acceder á nosa publicación na rede, neste enlace.

Cubre o cuestionario e dalle a Enviar ao rematar.

Cubre o cuestionario e dalle a Enviar ao rematar.

Seguindo a instrución 4/2016 do 30 de maio de 2016, para a contratación do servizo de xestión e explotación da cafetería en centros docentes non universitarios dependentes da Consellería, sácase a concurso o servizo de cafetería no IES de Quiroga coas seguintes INSTRUCIÓNS:

1. As persoas interesadas en xestionar o servizo de cafetería no IES de Quiroga recollerán, na conserxería do centro, o documento titulado "CONDICIÓNS PARA A CONTRATACIÓN DO SERVIZO DE XESTIÓN E EXPLOTACIÓN DA CAFETERÍA EN CENTROS PÚBLICOS NON UNIVERSITARIOS DEPENDENTES DA CONSELLERÍA. CURSO 2016-2017". Este documento recolle as condicións e requisitos nos que se deberá desenvolver o servizo de cafetería do centro.
   
   
2. Os candidatos a xestionar este servizo farán proposta por escrito axustada ao establecido no artigo 6 do documento mencionado. Esta proposta entregarase, no prazo establecido, na Secretaría do centro.

DATAS:

INICIO DA PUBLICACIÓN DO CONCURSO NO CENTRO: xoves 22 de setembro

PRESENTACIÓN DE PRICAS: dende o venres 23 de setembro ata o xoves 6 de outubro

PUBLICACIÓN DA ADXUDICACIÓN: venres 7 de outubro

POSTA EN MARCHA DO SERVIZO: o día 13 de outubro

Estas gravacións foron feitas entre o 4 e o 11 de abril de 2016 por alumnos, profesores e persoal non docente do IES de Quiroga.

Como detalle especial, e aproveitando a súa visita ó centro, Xosé Estévez, autor do prólogo do libro, gravou o derradeiro deles.

Grazas a todos/as pola vosa colaboración!