Skip to Content

O Centro

AMPLIACIÓN DO IES PEDRO FLORIANI

O conselleiro de Educación visitou o luns 11 de decembro o IES Pedro Floriani e anunciou que a Xunta de Galicia publicará antes de final de ano as licitacións das obras que permitirán “mellorar as infraestruturas para adaptalas ás novas demandas educativas e sociais” en liña co Plan de Nova Arquitectura Pedagóxica. “Queremos que Galicia sexa o mellor lugar para formarse e por iso traballamos para que os nosos colexios e institutos sexan cada vez máis confortables e modernos”, afirmou Román Rodríguez.

A principal actuación anunciada é a ampliación do IES Pedro Floriani, un centro formado por varios edificios que ofertan distintas etapas e modalidades formativas. Neste caso, a Xunta investirá 1,9M€ para ampliar o centro en máis de 700 m2 e dotalo de novos espazos e servizos co fin de reforzar a oferta de Formación Profesional mediante a creación de novas aulas polivalentes e técnicas coa superficie axeitada. Ademais, o proxecto complétase coa substitución das cubertas do centro.

NOVAS FLORIANI

20/09/2021
Europe/Madrid

         NOVAS  FLORIANI

O INSTITUTO PEDRO FLORIANI

O IES Pedro Floriani de Redondela (Pontevedra) empezou a súa andaina no curso 1983/84 e nesa ocasión tiña a denominación de Instituto de Formación Profesional de Redondela ubicado en plena marisma choqueira, ata que o 25 de setembro de 1998 pasou a denominarse IES Pedro Floriani en memoria do enxeñeiro turinés que construíu o viaduto da nosa vila. Máis información sobre Pedro Floriani aquí.

Este cambio de nome coincide coa adecuación do centro ao novo sistema educativo onde comezaron a impartirse cursos de 3º de ESO e os ciclos superiores de "Desenvolvemento de produtos electrónicos" e "Administración e finanzas".

panoramica

Distribuir contido


by Dr. Radut