Skip to Content

Pagina nueva 1

DÍA DA BIBLIOTECA ESCOLAR

Dende 1997 celébrase o Día da Biblioteca o 24 de outubro, una conmemoración impulsada pola Asociación de Amigos del Libro Infantil y Juvenil á que se foron sumando, xa dende hai algún tempo, o propio Ministerio de Cultura e todas as administracións autonómicas.
 
As bibliotecas escolares galegas teñen como lema para este curso 2019/2020, BIBLIOTECA ESCOLAR, VIVEIRO DE CIDADANÍA, que conta cunha imaxe propia creada por Óscar Villán, quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar.
 
A biblioteca do Ies Pedro Floriani celebrou o seu día ofrecéndolle ao alumnado de 1º e 2º de ESO unha serie de actividades lúdicas.

OS MARTES, HORA DE LER

Durante este trimestre levaremos a cabo a "Hora de Ler" os martes cambiando cada semana de sesión en Secundaria e FP Básica.

Nas aulas hai caixas decoradas polo alumnado de 3º de ESO con propostas de lecturas para quen non teña libro. As propostas son moi diversas: ficción, banda deseñada, ciencia, tecnoloxía, historia...

Esperamos que disfrutedes a tope desta actividade!

COMEZAN OS CLUBS DE LECTURA

Este curso contamos con catro clubs de lectura que darán comezo ao longo do mes de outubro coa seguinte distribución: 

7 de outubro: 1º e 2º ESO / FP Básica HEDWIG

14 de outubro: 3º e 4º ESO / LAURIÓN

21 de outubro: Bach, Ciclos, Adultos / ATENEA

28 de outubro: Lectura fácil

REUNIÓN INFORMATIVA COAS FAMILIAS

O vindeiro luns 7 de outubro terá lugar a xuntanza coas familias de principio de curso no Salón de Actos do Instituto no seguinte horario:

  • 18:30: 1º ESO
  • 19:00: 2º e 3º ESO
  • 19:30: 4º ESO e 1º Bacharelato
  • 20:00: 1º e 2º FP Básica

Agardámosvos!

CALENDARIO ESCOLAR 2019/2020

LIBROS DE TEXTO PARA O CURSO 2019-2020

Preme na seguinte ligazón para ver o listado dos libros de texto para o vindeiro curso.

CALENDARIO ESCOLAR CURSO 2019/2020

Orde do 20 de xuño de 2019 pola que se aproba o calendario escolar para o curso 2019/20 nos centros docentes sostidos con fondos públicos na Comunidade Autónoma de Galicia.

Orde do 20 de xuño de 2019 (DOG)

Ver calendario

PRAZOS DE ADMISIÓN PARA FORMACIÓN PROFESIONAL

Información xeral de admisión. Curso 2019/2020

As ensinanzas de formación profesional conducentes á obtención dos títulos de técnico e de técnico superior están organizadas en ciclos formativos de grao medio e de grao superior, respectivamente

Para realizar estudos nos centros docentes sostidos con fondos públicos é necesario, ademais de cumprir os requisitos de acceso, participar nun proceso de admisión.

Este proceso establece un sistema de prioridades na adxudicación de prazas para cada centro educativo e para cada ciclo formativo (e, de ser o caso, de cada módulo profesional), así como os prazos de presentación de solicitudes e de formalización da matrícula.

Pasos a seguir para participar no proceso de admisión a ciclos:

  1. Durante os períodos de solicitude establecidos (cumprindo os requisitos de acceso), utilizar o asistente informático para xerar unha solicitude web.
  2. No caso de ser necesario, levar dentro do período establecido, a solicitude web xerada co asistente informático a validar a un centro con oferta de FP sostida con fondos públicos.
  3. Consultar as listaxes de solicitudes (provisional e definitiva) e as de adxudicación nas datas sinaladas no calendario de admisión.
  4. No caso de ter adxudicación, durante o periodo establecido matricularse ou renunciar (a renuncia so é necesaria no caso do réxime ordinario).

 

CONVOCATORIA DO FONDO SOLIDARIO DE LIBROS DE TEXTO E AXUDAS PARA 2019/2020

Orde do 3 de maio de 2019 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2019/20

O prazo de presentación de solicitudes rematará o día 21 de xuño de 2019.


Máis información:
http://www.edu.xunta.gal/portal/fondolibros
https://www.edu.xunta.es/fondolibros

ABERTO O PRAZO DE SOLICITUDES DE ADMISIÓN

Desde o venres día 1 e ata o 20 de marzo permanecerá aberto o prazo de solicitude de admisión nos centros escolares para o vindeiro curso 2019/20.
Este procedemento vai dirixido a todo o alumnado que entra por primeira vez no sistema educativo, así como aos de Infantil, Primaria, ESO e de Bacharelato que desexan cambiar de centro escolar, sempre que haxa prazas dispoñibles.
Os trámites poden realizarse vía telemática na aplicación informática creada para tal fin: https://www.edu.xunta.es/admisionalumnado
Segundo o sorteo público efectuado, no caso de empate de puntuación para unha mesma praza, as letras de desempate son “E” e“C” para o primeiro apelido e “U” e “P” para o segundo.
Imaxe relacionada
Distribuir contido


by Dr. Radut