Actividades dentro do Centro
PROXECCIÓN DA PELÍCULA "A CASA DA LUZ"
O noso instituto tivo o privilexio de poder contar coa pre-estrea da longametraxe infantil A CASA DÁ LUZ, adaptación da novela de Xabier Docampo, que será levada ao cine polo produtor Xosé Xoan Cabanas Cao e o director Carlos Amil.
Agustina Bentos, Sheila Carbia, Jorge Taboada, Javier López, Claudia Peña e Antón Sampedro interpretarán no filme a Alicia, Alba, Amadeo, Álvaro, Lucrecia e Anxo, o grupo de amigos sobre os que xira o argumento.
Despois da peli o alumnado de 1º e 2º de ESO tivo a oportunidade de falar cos actores protagonistas , co director e co produtor . Unha sorte!
Desde o Departamento de Galego está previsto completar esta actividade coa lectura da obra de Xabier do Campo e a súa visita ao Centro.
REPRESENTACIÓN TEATRAL DA OBRA "A PARÁBOLA DA RA"
O día 9 de novembro contamos no noso instituto co grupo Malapécora teatro que veu para nos representar a obra A parábola da ra.
Á representación no salón de actos puido asistir todo o alumnado da ESO e do Bacharelato. É unha comedia sobre o cambio climático,que nos fixo rir ao tempo que convidaba á reflexión sobre a necesidade de coidarmos o planeta.
OBRADOIRO DE BEATBOX E RAP
O día 18 de decembro organizouse unha sesión de hip hop e beatbox desenvolta polos artistas Martín Lourenzo e Carlinhos Gende, pertencentes ao grupo Machina. Explicáronlles aos rapaces (en dúas sesións de hora e media) as orixes destas formas musicais, déronlles pautas para animalos a crear e logo implicáronos na práctica das súas composicións.
A actividade organizada desde o ENDL ten como obxectivos dar a coñecer ao alumnado a posibilidade real da composición de música moderna en galego e facer unha iniciación nos procedementos de composición de rimas.
Destinatarios:
Alumnado de 3º e 4º de ESO.
OBRADOIRO DE CÓMIC CON SANTI GUTIÉRREZ
Recibimos a Santi Gutiérrez no Instituto o día 23 de novembro.O alumnado de 4º de ESO participou na creación dun cómic inventando unha historia á que o ilustrador ía dando vida cos seus debuxos. A actividade foi realizada polos departamentoe de Lingua Galega e Plástica.
Santi Gutiérrez dedícase profesionalmente ao debuxo dende 1993. Realiza diariamente dende entón viñetas de humor gráfico e caricaturas de prensa para multiples cabeceiras .Ilustra artigos, reportaxes, libros e cómics para revistas e editoriais; e realiza debuxos de campañas gráficas e animación para empresas de publicidade e produtoras de audiovisual. É membro fundador do estudo Baobab e presidente da AGPI dende xaneiro de 2008.
- « primeira
- ‹ anterior
- 1
- 2
- 3
- 4
- 5
- 6
- 7
- 8