IES O MOSTEIRÓN

O vindeiro 18 de outubro terá lugar no salón de actos do IES O Mosteirón ás 18:00 h a reunión de nais/pais do presente curso 2010-2011. Está previsto realizar unha presentación xeral por parte do Equipo Directivo na que se dará información xeral de interese para as familias. Posteriormente cada nai/pai acompañará ao titor/a do seu fillo/a á aula correspondente, onde se continuará informando de aspectos relevantes para a educación do alumnado.

Lembramos a importancia de acudir a esta reunión para manter o primeiro contacto co titor/a.

O día 23 despedimos o curso. con moita alegría pero tamén con nostalxia porque algúns dos compañeiros/as de 4º de ESO e de 2º de Bacharelato deixan xa o instituto. O acto de entrega de orlas estivo cheo de manifestacións de cariño.

Moitos parabéns e ata sempre.

O alumnado de 3º de ESO estivo de excursión na RIBEIRA SACRA , concretamente no complexo rural RABACABALLOS

(Concello  de Parada en Ourense) . Alí fixeron sendeirismo, tiro con arco, piragüismo e outras actividades deportivas

das que viñeron ben cansos, pero moi contentos.

O pasado 21 de xuño, nun dos últimos días do curso, tivemos connosco a Celso Fernández Sanmartín que nos ofreceu dúas sesións de contos .  A autenticidade e a súa capacidade para recuperar os modos da narrativa tradicional oral resultaron realmente pracenteiros para nós. O seu xeito de contar engaiolounos a todos/as .Grazas Celso.

Como en anos anteriores, este curso 2009/10, celebramos a liga interna de fútbol sala coa participación inicial de once equipos de todos os niveis.Despois da primeira volta clasificáronse os equipos de 2º A, 2º B, 3º A e 3º B, quedando na seguinte orde:

4º clasificado: Equipo de2º B

3º clasificado: Equipo de3º B

2º clasificado: Equipo de2º A (2)

1º clasificado: Equipo de3º A

PARABÉNS AOS CAMPIÓNS DE  3º A :Damián , Abel, Mauro,Alberto e Manel.

O IES Mosteirón está de noraboa. Non cabe máis orgullo que o que o día 14 nos fixeron sentir os alumnos Pablo Díaz de 1º Bacharelato e Tamara Paredes de 4º ESO B. No Certame Literario "Luísa Villalta" organizado polo IES Díaz Pardo, obtiveron os primeiros premios nas modalidades de narrativa( Pablo) e poesía ( Tamara) . O acto foi especialmente bonito e emotivo;  todo grazas á  participación  dun gran número de rapaces e rapazas  que nos fixeron sentirnos emocionad@s e content@s ao velos recitando poemas, interpretando pezas musicais ao violino e ao piano, bailando ,cantando ...

O certame foi a un tempo unha festa pola nosa lingua e unha lembranza para a poeta Luísa Villalta ; por iso  todo era emoción e moita , moitísima alegría. Por Pablo, por Tamara, polas súas familias, os seus compañeiros e por todos nós en definitiva, que nos sentimos de verdade felices de compartir o seu éxito. MOITÍSIMOS E MERECIDÍSIMOS PARABÉNS .

Se queredes ler os seus textos , non tedes máis que abrir os arquivos adxuntos.

Como no curso anterior , estase a desenvolver ao longo dos meses de abril e maio a actividade denominada FOTOLIBRO. Co obxectivo de promocionar a lectura e dar a coñecer as obras que máis nos gustan, os membros da comunidade escolar fotografiámonos co noso libro favorito, explicando nunha breve nota o motivo da nosa elección.Coas fotos decoramos o recibidor do instituto, cun grande mural.

Aos que  que aínda non se animaron  dicímoslles o lema da actividade:  

PRESUME DE LER E DÉIXATE VER!