O pasado martes 15 de maio os estudantes de 4º de física e química fixeron unha excursión a Ferrol.
Comezamos o día coa visita ao parque temático Aquaciencia, un espazo para aprender e para xogar co que é o principal elemento deste planeta: a auga.
Seguimos coa visita ao Museo de Historia Natural. No museo puidemos apreciar pequenas coleccións, froito dos moitos anos de traballo de varias xeracións de naturalistas. O que máis impresionou aos rapaces foi, sen dúbida, o esquelete dunha balea común que preside a exposición dos animais mariños.
E como remate desta excursión multidisciplinar, achegámonos ao Castelo de San Felipe, que foi unha das fortalezas militares de Ferrol.
Grazas á guía puidemos coñecer as estratexias defensivas do século XVI e como este castelo, xunto co da Palma e San Martín, formaban un triángulo impenetrable da entrada por mar a Ferrol.
En definitiva, foi unha xornada intensa, pero moi gratificante, onde ademáis de aprender aspectos propios da materia, aprendimos un pouco máis de bioloxía e da nosa propia historia.
