IES Miraflores

Do 7 ao 13 de Outubro do 2018 dúas estudantes de 4º ESO:  Alejandra  Gacho  Mediavilla e  Ainara López García, o coordinador do programa Erasmus +: Carlos Domingo Salgado e a profesora acompañante do Departamento de Inglés : Carmen Rubio Alvariño viaxaron ao pobo de  Bicske (Hungría) para continuar o programa  P.A. N. T.A  R.E.I     meeting Erasmus + iniciado o curso pasado en Italia e  Chipre.

  A nosa anfitrioa foi a profesora húngara Eva Patò Szebenyieva  do  instituto "Bicskei Csokonai Vitéz Mihály Általános Iskola". Convivimos con alumnos e profesores de centros  de Portugal, Italia,  Chipre e Hungría realizando unha gran variedade de actividades institucionais, culturais e lúdicas durante as cales os alumnos participaron nunha excepcional experiencia intercultural practicando a lingua inglesa en destrezas orais e escritas, establecendo amizade con estudantes doutros países, e coñecendo outros sistemas educativos  e culturas. Agradecemos  a hospitalidade coa  que fomos recibidos e achegamos o programa de actividades realizadas.

O xoves 11 de outubro todo o alumnado de 1º da ESO asistiu no salón de actos ao obradoiro-espectáculo “Voute Contar” conducido polo actor e divulgador Vicente Mohedano. Neste show científico ou “Discurshow” cuxo fío condutor foron as cifras e a súa utilizade para comprender o mundo, combináronse á perfección conceptos matemáticos, xogos de cálculo de probabilidades, altas doses de humor e a participación directa dos nosos rapaces e rapazas.

Esta actividade foi organizada pola ANPA en colaboración coa Deputación da Coruña. Parabéns polo resultado!

O pasado mércores 26 de setembro, o  alumnado de 4º ESO asistíu no salón de actos á actuación dunha das voces máis destacadas do panorama galego actual: M.J PÉREZ

Ademais de facernos partícipes das súas experiencias como creadora audiovisual e cantautora, deleitarnos con alguna canción e visionado dos seus próximos vídeos…tamén motivou ao alumnado no uso e fomento do galego na súa vida cotiá e especialmente na rede.

A actividade estaba organizada polo departamento de Dinamización Lingüística do IES Miraflores e pola Deputación  de A Coruña e Urdime Comunicación Audiovisual, dentro das xornadas “ O galego, a miña lingua propia”.