IES Miraflores

Este martes, 6 de novembro, foron os alumnos e alumnas  de 1ESO B os que se desprazaron a Outerio de Rei para coñecer a Casa de Hortas, a Casamuseo de Manuel María. Despois de faceren un percorrido polos cuartos da casa, atentos ás explicacións do guía, Antón, puideron recitar os poemas que elixiran de Os soños na gaiola, presentados por Ainhoa, no pequeno auditorio da Palleira. Ademais, tiveron a sorte de poder cantar O carro, O aradiño e Galicia docemente co acompañamento da nosa pandereteira Antía.
Como o grupo anterior, foron ao cemiterio a levarlle rosas en sinal de respecto, e recitar uns poemas. Na Carballeira de Santa Isabel seguiu a música, nesta volta o noso gaiteiro foi Fran, que nos fixo cantar O carro.  Por último queremos agradecer ao concello de Cospeito que abrise o Museo das Aves e o Centro de interpretación da Lagoa de Cospeito para facilitarnos que coñecésemos mellor a terra que poetizou Manuel María.

Os alumnos de 3º ESO gozaron dunha xornada acuática manexando un kayak e un batel. A actividade englobase dentro das ofertadas polo concello e levouse a cabo na ría de Santa Cristina.

Os alumnos aprenderon os diferentes tipos de embarcacións, as súas características, así como o xeito de remar. Os máis atrevidos quixeron darse un último chapuzón, aínda que a temperatura non acompañaba. 

Do 7 ao 13 de Outubro do 2018 dúas estudantes de 4º ESO:  Alejandra  Gacho  Mediavilla e  Ainara López García, o coordinador do programa Erasmus +: Carlos Domingo Salgado e a profesora acompañante do Departamento de Inglés : Carmen Rubio Alvariño viaxaron ao pobo de  Bicske (Hungría) para continuar o programa  P.A. N. T.A  R.E.I     meeting Erasmus + iniciado o curso pasado en Italia e  Chipre.

  A nosa anfitrioa foi a profesora húngara Eva Patò Szebenyieva  do  instituto "Bicskei Csokonai Vitéz Mihály Általános Iskola". Convivimos con alumnos e profesores de centros  de Portugal, Italia,  Chipre e Hungría realizando unha gran variedade de actividades institucionais, culturais e lúdicas durante as cales os alumnos participaron nunha excepcional experiencia intercultural practicando a lingua inglesa en destrezas orais e escritas, establecendo amizade con estudantes doutros países, e coñecendo outros sistemas educativos  e culturas. Agradecemos  a hospitalidade coa  que fomos recibidos e achegamos o programa de actividades realizadas.

O xoves 11 de outubro todo o alumnado de 1º da ESO asistiu no salón de actos ao obradoiro-espectáculo “Voute Contar” conducido polo actor e divulgador Vicente Mohedano. Neste show científico ou “Discurshow” cuxo fío condutor foron as cifras e a súa utilizade para comprender o mundo, combináronse á perfección conceptos matemáticos, xogos de cálculo de probabilidades, altas doses de humor e a participación directa dos nosos rapaces e rapazas.

Esta actividade foi organizada pola ANPA en colaboración coa Deputación da Coruña. Parabéns polo resultado!