Punto Laranxa contra o acoso escolar
Inicio

Curso 2022-2023

GAÑADORES ZALARETO

Enviado por Zalaeta o Lun, 19/06/2023 - 18:39

 

Velaquí están os nosos tres gañadores do #ZalaReto 2022/2023: Emma, Luis e Darío recibiron os seus premios respectivos pola súa participación nos diferentes retos propostos ao longo do curso. Noraboa!
O noso agradecemento a Ana e Patricia, profesoras de pedagoxía terapéutica no centro, que semana tras semana argallaron con moito acerto os retos que se foron propoñendo!

ESCAPARATE - COMERCIO E ZALAVERZAS

Enviado por Zalaeta o Lun, 19/06/2023 - 18:37

 

Derradeiro escaparate do curso no que se pretende sensiblizar e concienciar sobre a alimentación saudable, un dos obxectivos tratados no proxecto #ZalaVerzas.
O escaparate foi realizado polo alumnado de 1° Actividades Comerciais, no módulo de Dinamización do punto de venda.

INTERCAMBIO CON HAMBURGO

Enviado por Zalaeta o Mér, 07/06/2023 - 15:22

 

Xa está de volta o alumnado de alemán que, xunto coa súa profesora Luisa Rodríguez, participou un ano máis no intercambio con Hamburgo.
Unha das actividades favoritas do programa de Hamburgo é a "tirolina" no bosque ("Kletterwald"), unha actividade moi divertida, que require destreza física, así coma esforzo, xestión dos propios límites e afán de superación.
O noso alumnado tamén estivo na Biblioteca do "Gymnasium Meiendorf" preparando a presentación do proxecto "Mi ciudad es tu ciudad".
Antes da festa de despedida fixeron a exposición en inglés e algún grupo atreveuse co alemán.
E sen dúbida, para lembrar a emotiva despedida no aeroporto de Hamburgo. As experiencias vividas no intercambio dan conta da relevancia das viaxes de estudo e das actividades noutros espazos e contextos, para fomentar unha actitude aberta, así coma a motivación na aprendizaxe.

CIRCUITO DGT E MOBILIDADE SOSTIBLE

Enviado por Zalaeta o Mar, 06/06/2023 - 18:56

O pasado 24 de maio diversos grupos de ciclos formativos e de 1º BAC participaron na xornada de Mobilidade sostible e segura, organizada en colaboración coa DGT e Mobili-za. Esta actividade enmárcase entre as programadas dentro do Plan Proxecta de Mobilidade Sostible que se desenvolve no centro.

 

VOLTA CICLISTA CIDADE DA CORUÑA

Enviado por Zalaeta o Mar, 06/06/2023 - 18:32

O pasado luns tivo lugar a nosa particular "Volta Ciclista" á cidade da Coruña. Desde o Departamento de EF organizouse esta xornada na que participou alumnado de 2.° da ESO, percorrendo o paseo marítimo desde o centro ata o Millenium, Torre de Hércules, Torre de Control, Castelo de San Antón e Praza de María Pita.
Agradecementos á: @pcivilcoruna @vmp_coruna Policía Local da Coruña, profesorado acompañante [Isa, Tono, Belén, Iria, José] e, como non, a Manuel, Fran e Flavio, profes de Educación Física!
 

CONEXIÓN ÁRTABRA

Enviado por Zalaeta o Mar, 06/06/2023 - 18:29

Na mañá do día 1 de xuño o alumnado de 3.º ESO A, D e PDC do IES Ramón Menéndez Pidal recibiu a visita do alumnado de 3.º do IES Ferrol Vello dentro do plan proxecta de innovación lingüística "Conexión ártabra" que docentes e alumnado de ambos os centros están a desenvolver durante este curso. O alumnado visitante desfrutou do roteiro preparado polo noso alumnado e, despois, realizaron conxuntamente unha xincana pola cidade vella.

Últimos Artigos

máis

Theme by Danetsoft and Danang Probo Sayekti inspired by Maksimer